آکلینڈ میں گاڑی فیری ٹرمینل سے ٹکرا کر سمندر میں جاگری
https://jang.com.pk/assets/uploads/updates/2025-09-05/1507364_8590959_9_updates.jpgاسکرین گریب
نیوزی لینڈ کے شہر آکلینڈ میں ایک خاتون ڈرائیور کی لاپرواہی بڑے حادثے کا باعث بن گئی۔ گاڑی فیری ٹرمینل سے ٹکرا کر سمندر میں جاگری۔
پولیس کے مطابق خاتون نشے کی حالت میں اپنی ایس یو وی گاڑی چلا رہی تھی کہ اچانک فیری ٹرمینل کی رکاوٹ توڑ کر گاڑی سیدھی سمندر میں گرگئی۔
سی سی ٹی وی فوٹیج میں واضح طور پر دیکھا جا سکتا ہے کہ گاڑی فٹ پاتھ عبور کرتے ہوئے بائیک شیلٹر اور ٹرمینل کے شیشے توڑتی ہوئی تیز رفتاری سے آگے بڑھی اور پل کے کنارے سے چھلانگ لگا کر سمندر میں جا گری، ٹکر کے نتیجے میں شیشے اور لوہے کے ٹکڑے چاروں طرف بکھر گئے جبکہ گاڑی چند ہی لمحوں میں پانی میں ڈوب گئی۔ https://jang.com.pk/assets/uploads/updates/2025-07-27/1494860_085351_updates.jpg
گوگل میپ کی غلط رہنمائی سے گاڑی ندی میں جا گری
سوشل میڈیا پر وائرل ویڈیوز میں دیکھا جا سکتا ہے کہ سفید رنگ کی گاڑی کو کس طرح کرین سے باہر نکالا جا رہا ہے۔https://jang.com.pk/assets/front/images/jang-icons/16x16.png
حادثے کے فوراً بعد قریبی موجود شہریوں نے خاتون کو بچانے کے لیے لائف رنگ پھینکے اور اسے پانی سے نکالا۔ خوش قسمتی سے خاتون محفوظ رہی اور کسی قسم کا جانی نقصان نہیں ہوا۔
پولیس حکام کا کہنا ہے کہ ڈرائیور نشے میں تھی اور اس کے خلاف زائد مقدار میں شراب نوشی پر کارروائی کرتے ہوئے جرمانہ عائد کر دیا گیا ہے، واقعے کے بعد علاقے میں خوف و ہراس پھیل گیا اور عینی شاہدین نے اسے ایک نہایت ہولناک منظر قرار دیا۔
Pages:
[1]