سوشل میڈیا کانٹینٹ کیلئے خطرناک حرکت، نوجوان پانی میں لاش بن کر تیرتا رہا
https://jang.com.pk/assets/uploads/updates/2025-09-11/1509081_7223796_6_updates.jpgتصویر:بھارتی میڈیابھارت کے شہر گوالیار میں انسٹا ویڈیو بنانے کے شوق نے ایک نوجوان کو انوکھا قدم اٹھانے پر مجبور کر دیا، نوجوان تقریباً آدھے گھنٹے تک پانی کی سطح پر مردہ بن کر تیرتا رہا۔
بھارتی میڈیا رپورٹس کے مطابق مقامی لوگوں نے جب یہ منظر دیکھا تو فوراً پولیس کو اطلاع دی، پولیس موقع پر پہنچی تو وہ حیران رہ گئی، کہ جسے سب لاش سمجھ رہے تھے وہ اچانک حرکت کرنے لگا۔
اطلاعات کے مطابق پولیس کے پہنچنے سے پہلے ہی بڑی تعداد میں لوگ ڈیم کے قریب جمع ہو گئے تھے اور نوجوان کی شناخت کرنے کی کوشش کر رہے تھے، جیسے ہی پولیس اہلکار لاش کو نکالنے کی تیاری کر رہے تھے تو نوجوان اچانک اٹھ گیا اور یہ دیکھ کر ہجوم خوفزدہ ہو گیا۔
پولیس نے نوجوان سے پوچھ گچھ کی تو معلوم ہوا کہ وہ انسٹاگرام ریل بنا رہا تھا، اس نے کیمرہ بھی پہلے سے نصب کر رکھا تھا اور ریکارڈنگ تقریباً 30 منٹ تک جاری رہی۔ https://jang.com.pk/assets/uploads/updates/2024-04-19/1342049_082654_updates.jpg
انسٹاگرام ریل تخلیق کرنے کی کوشش نے بھارتی نوجوان کی جان لے لی
وائرل انسٹا گرام ریل تخلیق کرنے کی کوشش نے نوجوان بھارتی طالب علم کی جان لے لی۔https://jang.com.pk/assets/front/images/jang-icons/16x16.png
بھارتی میڈیا کے مطابق پولیس نے نوجوان کو حراست میں لینے کے بعد کونسلنگ کی اور پھر وارننگ دے کر چھوڑ دیا۔
پولیس افسران نے بتایا کہ نوجوان کی شناخت ٹنکو سنگھ کے نام سے ہوئی ہے جو ارون گاؤں کا رہائشی ہے، اس نے اپنی حرکت پر پولیس سے معافی بھی مانگی اور آئندہ ایسی حرکت نہ کرنے کی یقین دہانی کروائی۔
Pages:
[1]