نعمان اعجاز نے خلیل الرحمان قمر کے ساتھ کام کرنے کی کیا شرط رکھی تھی؟
https://jang.com.pk/assets/uploads/updates/2025-10-20/1521163_571899_6_updates.jpgفائل فوٹوز
نعمان اعجاز کی خلیل الرحمان قمر کے ساتھ کام کرنے کی ’حیران کن شرط‘ سامنے آگئی۔
پاکستان کے دو بڑے نام اداکار نعمان اعجاز اور مصنف خلیل الرحمان قمر طویل عرصے سے ایک دوسرے کے ساتھ مثالی تعلقات نہیں رکھتے، دونوں کئی بار مختلف پروگرامز میں ایک دوسرے پر تنقید کرتے نظر آ چکے ہیں تاہم خلیل الرحمان قمر ہمیشہ نعمان اعجاز کی اداکاری کے معترف رہے ہیں اور ایک موقع پر انہوں نے انہیں اپنے ڈرامے میں کاسٹ بھی کیا تھا، جس میں مونا لیزا اور کامران مجاہد نے بھی مرکزی کردار ادا کیے تھے۔ یہ ڈرامہ معروف پروڈیوسر راشد خواجہ نے بنایا تھا۔
حال ہی میں راشد خواجہ نے ایک شو میں شرکت کی، جہاں انہوں نے نعمان اعجاز اور خلیل الرحمان قمر کے درمیان کام کے دوران پیش آنے والے دلچسپ واقعے کا انکشاف کیا۔
جب میزبان نے پوچھا کہ آپ نے نعمان اعجاز اور خلیل الرحمان قمر کو ایک ساتھ کیسے کام پر آمادہ کیا؟ تو راشد خواجہ نے مسکراتے ہوئے جواب دیا کہ یہ ایک راز کی مگر دلچسپ کہانی ہے، نعمان اعجاز نے اسکرپٹ پڑھ لیا تھا اور انہیں بہت پسند آیا لیکن جب میں نے انہیں کردار کی پیشکش کی تو انہوں نے شرط رکھی کہ وہ کام تو کریں گے مگر مصنف شوٹنگ سیٹ پر موجود نہیں ہونا چاہیے۔ https://jang.com.pk/assets/uploads/updates/2025-08-28/1504916_075413_updates.jpg
نعمان اعجاز نے کسی کو ادھار دینے سے پہلے اسے گلے لگانے کا مشورہ دے دیا
نعمان اعجاز نے کہا کہ جو لوگ سمجھتے ہیں کہ میں منفی باتیں سوچ رہا ہوں یا غلط کہہ رہا ہوں تو کیا وہ ادھار دینے کو تیار ہیں؟ https://jang.com.pk/assets/front/images/jang-icons/16x16.png
انہوں نے مزید بتایا کہ دلچسپ بات یہ ہے کہ نعمان اعجاز کو اس ڈرامے کے لیے خود خلیل الرحمان قمر نے ہی تجویز کیا تھا، میں نے نعمان اعجاز کی شرط خلیل الرحمان قمر کے سامنے رکھی اور انہوں نے بخوشی قبول کر لی، وہ شوٹنگ کے دوران سیٹ پر نہیں آئے اور اسی طرح ہم نے ایک کامیاب ڈرامہ تخلیق کیا۔
ڈرامہ میں مر گئی شوکت علی نجی ٹی وی پر نشر ہوا تھا اور اسے شائقین نے بے حد پسند کیا تھا، نعمان اعجاز کے منفی کردار نے خاص طور پر ناظرین پر گہرا اثر چھوڑا اور ان کی اداکاری کو سراہا گیا تھا۔
Pages:
[1]