دنیا بھر میں ’اسنیکیفکیشن‘ کا رجحان تیزی سے مقبول
https://jang.com.pk/assets/uploads/updates/2025-10-20/1521221_1228409_13_updates.jpgفائل فوٹودنیا بھر میں کھانے پینے کے انداز تیزی سے بدل رہے ہیں اور اب روایتی کھانوں کی جگہ ’اسنیکیفکیشن‘ （Snackification） کا رجحان زور پکڑ رہا ہے، یعنی مکمل کھانے کے بجائے غذائیت سے بھرپور چھوٹے اسنیکس کھانے کا نیا رحجان۔
یہ رجحان خاص طور پر نوجوان نسل اور ملینیئلز میں تیزی سے مقبول ہو رہا ہے، ایک سروے کے مطابق 92 فیصد امریکی ملینیئلز ہفتے میں کم از کم ایک بار باقاعدہ کھانے کی بجائے اسنیکس کھاتے ہیں، جبکہ نصف افراد یہ عادت چار مرتبہ ہفتہ وار اپناتے ہیں۔
ماہرین کے مطابق اس تبدیلی کی بڑی وجہ غذائیت سے آگاہی میں اضافہ ہے، کیونکہ لوگ اب ایسے کھانے چاہتے ہیں جو وقت کی بچت کے ساتھ صحت مند توانائی بھی فراہم کریں۔
بھارت میں کیے گئے ایک حالیہ سروے کے مطابق 55 فیصد صارفین اب بغیر پریزرویٹیو والے اسنیکس کو ترجیح دیتے ہیں جو صاف، قدرتی اور متوازن غذاؤں کی طرف رجحان ظاہر کرتا ہے۔ https://jang.com.pk/assets/uploads/updates/2025-10-13/1519111_011535_updates.jpg
کولڈ ڈرنکس اور ڈپریشن کا کیا تعلق ہے؟ نئی تحقیق میں چونکا دینے والا انکشاف
روزانہ کولڈ ڈرنکس پینے والے افراد ذہنی صحت کے مسائل کا بھی زیادہ شکار ہو سکتے ہیں۔ https://jang.com.pk/assets/front/images/jang-icons/16x16.png
اسی رجحان کے تحت فوڈ انڈسٹری نے بھی اپنے پروڈکٹس کو نئے انداز میں ڈھال لیا ہے، اب مارکیٹ میں پروٹین بارز، بیکڈ چپس، گرین اسنیکس اور دیگر صحت مند آپشنز بڑی تیزی سے دستیاب ہیں۔
لوگ اب ’مکس اینڈ میچ‘ کے انداز میں کھانے کو پسند کر رہے ہیں، مثلاً پروٹین اور فائبر کو ملا کر ایسے اسنیکس جو ناصرف لذیذ ہوں بلکہ جسم کی غذائی ضروریات بھی پوری کریں۔
ماہرین کا کہنا ہے کہ ’اسنیکیفکیشن‘ ناصرف وقت کے لحاظ سے ایک آسان طرزِ خوراک ہے بلکہ یہ دنیا بھر میں متوازن اور صحت مند طرزِ زندگی کی علامت بنتا جا رہا ہے۔
Pages:
[1]