ایک منٹ میں 16 کلاسیکل کمپوزرز کی پہچان کا عالمی ریکارڈ
https://jang.com.pk/assets/uploads/updates/2025-10-20/1521216_6630647_12_updates.jpgفائل فوٹودبئی میں مقیم چھ سالہ بچے شیوانکھ ورن نے اپنی غیرمعمولی موسیقی کی صلاحیتوں سے سب کو حیران کر دیا، بچے نے ایک منٹ میں 16 کلاسیکل موسیقاروں کی دھنیں پہچان کر گنیز ورلڈ ریکارڈ اپنے نام کر لیا۔
شیوانکھ جب صرف تین سال کا تھا تو کارٹون دیکھتے ہوئے وہ کرداروں سے زیادہ پسِ منظر میں چلنے والی موسیقی پر توجہ دیتا تھا، وہ فوراً پہچان لیتا کہ یہ دھن بیتھوون، موزارٹ، باخ یا ویوالڈی کی ہے۔
شیوانکھ کی والدہ یالنی کے مطابق موسیقی اس کے لیے صرف آواز نہیں بلکہ دنیا کو محسوس کرنے اور سمجھنے کا ذریعہ ہے، وہ کسی بھی جگہ، حتیٰ کہ ریستوران میں بھی، چلتی ہوئی دھن کو سن کر کمپوزر کا نام بتا دیتا ہے۔ https://jang.com.pk/assets/uploads/updates/2025-10-17/1520308_113824_updates.jpg
خاتون پولیس افسر کا عالمی ریکارڈ، ایک گھنٹے میں 733 پل اپس کر کے حیران کردیا
اس سے قبل ایک اور آسٹریلوی خاتون ایوا کلارک نے 2016ء میں 725 پل اپس کر کے قائم کیا تھا۔ https://jang.com.pk/assets/front/images/jang-icons/16x16.png
یہ ننھا موسیقار اب تک 65 سے زائد کلاسیکل کمپوزیشنز کو صرف سن کر پہچان سکتا ہے، جس میں چوپین، ڈیبیوسی، بیتھوون، موزارٹ اور دیگر عالمی موسیقاروں کے فن پارے شامل ہیں۔
ریکارڈ بنانے کی تیاری ابتدا میں ایک تفریحی خیال تھی، لیکن جلد ہی خاندان کو احساس ہوا کہ شیوانکھ کی یہ صلاحیت واقعی غیرمعمولی ہے، روزانہ مشق کے بعد اس نے مقررہ وقت میں دھنوں کو درست پہچاننے کی رفتار بڑھائی۔
14 ستمبر کو اسکول کے اساتذہ اور گواہوں کی موجودگی میں شیوانکھ نے یہ کارنامہ انجام دیا۔
Pages:
[1]