اپنے بیٹوں کو آر ایس ایس اور بیٹیوں کو بی جے پی سے بچائیں: پرکاش راج
https://jang.com.pk/assets/uploads/updates/2025-10-21/1521511_5695399_6_updates.jpgفائل فوٹومعروف بالی ووڈ اداکار پرکاش راج نے ایک مرتبہ پھر حکمران جماعت بھارتیہ جنتا پارٹی （بی جے پی） اور انتہا پسند تنظیم آر ایس ایس کے خلاف سخت مؤقف اختیار کرتے ہوئے بھارتی والدین سے اپنے بچوں کو محفوظ رکھنے کی اپیل کی ہے۔
اداکار نے سماجی رابطے کی ویب سائٹ ایکس （سابقہ ٹوئٹر） پر مصنوعی ذہانت سے بنائی گئی ایک تصویر شیئر کی، جس میں ایک لڑکے اور لڑکی کو دکھایا گیا ہے جبکہ انکی ٹی شرٹس پر تحریر تھا، ’بیٹے کو آر ایس ایس سے بچائیں، بیٹی کو بی جے پی سے بچائیں۔‘
پرکاش راج نے اپنی پوسٹ کے ذریعے والدین کو خبردار کیا کہ وہ اپنے بچوں کو ایسی سیاست سے دور رکھیں جو نفرت اور انتہا پسندی کو فروغ دیتی ہے۔ https://jang.com.pk/assets/uploads/updates/2025-05-05/1467817_123836_updates.jpg
آدھی بھارتی فلم انڈسٹری بِک چُکی، آدھی حکومت کیخلاف بولنے سے ڈرتی ہے: پرکاش راج
پرکاش راج کا شمار بھارت کے ان اداکاروں میں ہوتا ہے جو حکمران جماعت کی پالیسیوں کے خلاف تنقید کرنے سے بالکل نہیں گھبراتے۔https://jang.com.pk/assets/front/images/jang-icons/16x16.png
رپورٹس کے مطابق اداکار نے یہ بیان اپنے ایک قریبی دوست کے مبینہ طور پر بی جے پی کے غنڈوں کے ہاتھوں قتل کے بعد دیا، پرکاش راج عرصہ دراز سے بی جے پی کی مذہبی منافرت پر مبنی سیاست کے خلاف آواز اٹھاتے رہے ہیں اور ہمیشہ انسانیت، امن اور رواداری کا پیغام دیتے ہیں۔
گزشتہ ماہ 20 ستمبر 2025ء کو چینئی میں ہونے والے ایک بڑے فلسطین حامی جلسے میں بھی پرکاش راج نے طاقتور عالمی قوتوں اور خاموش رہنے والے رہنماؤں پر کڑی تنقید کی تھی۔
Pages:
[1]