اسرائیل نے 15 فلسطینیوں کی میتیں حکام کے حوالے کر دیں
https://jang.com.pk/assets/uploads/updates/2025-10-21/1521597_570396_GAZA-NEW-2_updates.jpgاسرائیل نے اپنی قید میں موجودگی کے دوران شہید ہونے والے مزید 15 فلسطینیوں کی میتیں فلسطینی حکام کے حوالے کر دیں۔
غزہ کے محکمہ صحت کا کہنا ہے کہ گزشتہ 24 گھنٹوں میں غزہ میں مزید 13 فلسطینیوں کی لاشیں اور 8 زخمیوں کو اسپتالوں میں لایا گیا، جبکہ ملبے سے لاشیں ملنے کے بعد شہید فلسطینیوں کی مجموعی تعداد 68 ہزار 239 ہوگئی ہے۔
دوسری جانب حماس نے آج رات مزید دو یرغمالیوں کی لاشیں اسرائیل کے حوالے کرنے کا اعلان کیا ہے۔
ایک بیان میں مزاحمتی تنظیم حماس نے کہا ہے کہ غزہ سے ملنے والی مزید دو یرغمالیوں کی لاشیں آج رات اسرائیلی حکام کے حوالے کریں گے۔
Pages:
[1]