پنڈی ٹیسٹ: جنوبی افریقہ جیت کے قریب، پاکستان کے 58 کی برتری پر 9 آؤٹ
https://jang.com.pk/assets/uploads/updates/2025-10-23/1522143_3973471_News3_updates.jpgراولپنڈی میں جنوبی افریقہ کے خلاف جاری دوسرے ٹیسٹ میچ کے چوتھے دن آج پاکستان نے اپنی دوسری اننگز کو 94 رنزاور 5 وکٹ سے آگے بڑھایا۔
راولپنڈی کرکٹ اسٹیڈیم میں کھیلے جا رہے میچ میں فی الحال پاکستان نے جنوبی افریقہ پر 58 رنز کی برتری حاصل کر لی ہے لیکن میچ پر پاکستان کی گرفت کافی حد تک کمزور ہوگئی ہے۔
میچ کے آغاز پر پاکستان ٹیم 9 وکٹوں کے نقصان پر 129 رنز ہی بنا پائی ہے۔
آج کھیل کے آغاز میں پاکستان کے بابر اعظم 50 رنز، محمد رضوان 18 رنز اورنعمان علی آوٹ ہو گئے۔
گزشتہ روز پاکستان ٹیم نے 71 رنز کے خسارے سے اپنی دوسری اننگز کا آغاز کیا تھا۔
گزشتہ روز قومی 4 بلے باز امام الحق، کپتان شان مسعود، عبداللّٰہ شفیق اور سعود شکیل بالترتیب 9، 0، 6 اور 11 رنز بنا کر پویلین لوٹ گئے اور یوں قومی ٹیم مشکلات میں گھر گئی۔
ٹاپ آرڈر کی ناکامی کے بعد بابر اعظم اور محمد رضوان نے 34 رنز کی شراکت کے ساتھ اسکور چار وکٹ پر 94 تک پہنچایا تھا۔
اس سے قبل جنوبی افریقہ نے پاکستان کے خلاف پہلی اننگز میں 404 رنز بنائے تھے اور میزبان ٹیم پر 71 رنز کی برتری حاصل کی تھی۔
Pages:
[1]