ڈپریشن کی دوائیں جسم پر کیا اثر ڈالتی ہیں؟ نئی تحقیق میں چونکا دینے والے انکشافات
https://jang.com.pk/assets/uploads/updates/2025-10-23/1522182_6535166_13_updates.jpgفائل فوٹو
ایک نئی تحقیق میں ماہرین نے اینٹی ڈپریسنٹ ادویات کے جسم پر مضر اثرات کا تفصیلی جائزہ لیتے ہوئے مختلف ادویات کے درمیان نمایاں فرق ظاہر کیے ہیں۔
کنگز کالج لندن اور یونیورسٹی آف آکسفورڈ کے ماہرین کی مشترکہ تحقیق کے مطابق مختلف اینٹی ڈپریسنٹ ادویات جسم پر الگ الگ اثر ڈالتی ہیں اور بعض اوقات یہ اثرات مریضوں کی جسمانی صحت کو متاثر کرسکتے ہیں۔
تحقیق میں 30 عام استعمال ہونے والی اینٹی ڈپریسنٹ ادویات اور 58 ہزار 500 سے زائد مریضوں پر مشتمل 151 مطالعات کا تجزیہ لیا گیا ہے، جو علاج کے ابتدائی آٹھ ہفتوں پر مرکوز تھا۔
یہ تحقیق معروف طبی جریدے لینسٹ （The Lancet） میں شائع ہوئی، جس میں بتایا گیا کہ ایگومیلاٹین （Agomelatine） کے استعمال سے اوسطاً 2.4 کلوگرام وزن میں کمی دیکھی گئی جبکہ میپروٹیلین （Maprotiline） کے استعمال سے 2 کلوگرام تک وزن میں اضافہ ہوا۔ https://jang.com.pk/assets/uploads/updates/2025-10-19/1520874_010932_updates.jpg
خون کے ایک ٹیسٹ سے 50 سے زائد اقسام کے سرطان کی شناخت ممکن
تحقیق کے مطابق نصف سے زائد کیسز ابتدائی مرحلے پر دریافت ہوئے https://jang.com.pk/assets/front/images/jang-icons/16x16.png
ماہرین نے دل کی دھڑکن میں بھی نمایاں فرق نوٹ کیا، تحقیق کے مطابق فلوووکسامین （Fluvoxamine） نے دل کی رفتار کو کم کیا جبکہ نورٹریپٹیلین （Nortriptyline） سے دھڑکن کی رفتار میں اضافہ ہوا۔
تحقیق میں خبردار کیا گیا ہے کہ یہ جسمانی اثرات بعض مریضوں کو علاج ادھورا چھوڑنے پر مجبور کر سکتے ہیں۔
کنگز کالج کے پروفیسر اولیور ہاؤس کا کہنا ہے کہ اگرچہ یہ اثرات بظاہر معمولی لگتے ہیں، مگر بڑے پیمانے پر یہ عوامی صحت پر نمایاں اثر ڈال سکتے ہیں۔
تحقیق میں یہ بھی کہا گیا کہ جن افراد کو وزن بڑھنے سے بچنا ہو، وہ ایگومیلاٹین، سرٹرالین یا وینلافاکسین جیسی ادویات سے فائدہ اٹھا سکتے ہیں، جبکہ ہائی بلڈ پریشر، خون یا کولیسٹرول کے مریضوں کے لیے مختلف متبادل ادویات تجویز کی جا سکتی ہیں۔
Pages:
[1]