یوٹیوب’شارٹس‘ کا بےتحاشا استعمال محدود،ٹائمر فیچر متعارف
https://jang.com.pk/assets/uploads/updates/2025-10-23/1522172_418830_11_updates.jpgفائل فوٹو
ویڈیو شیئرنگ پلیٹ فارم یوٹیوب نے صارفین کو ’شارٹس‘ ویڈیوز کے حد سے زیادہ استعمال سے بچانے کے لیے ایک نیا ٹائمر فیچر متعارف کروا دیا۔
اس فیچر کے ذریعے صارفین ایپ کی سیٹنگز میں روزانہ ویڈیوز دیکھنے کا وقت مقرر کر سکتے ہیں، مقررہ حد پوری ہونے پر ایک پاپ اپ نوٹیفکیشن سامنے آتا ہے جو شارٹس اسکرولنگ کو روک دیتا ہے، تاہم صارف اگر چاہے تو اسے ڈسمس بھی کر سکتا ہے۔
یہ فیچر ابتدائی طور پر اینڈرائیڈ اتھارٹی نے رواں سال کی شروعات میں دریافت کیا تھا، یوٹیوب کا کہنا ہے کہ اس کا مقصد صحت مند اسکرین ٹائم عادات کو فروغ دینا اور صارفین کو بے جا اسکرولنگ سے باز رکھنا ہے۔
کمپنی کے مطابق اس فیچر کے والدین کے کنٹرول （Parental Control） آپشن کو 2026 میں متعارف کرایا جائے گا تاکہ بچے الرٹس کو ڈسمس نہ کر سکیں۔ https://jang.com.pk/assets/uploads/updates/2025-08-15/1500846_015910_updates.jpg
یوٹیوب کا بچوں کو نامناسب مواد سے بچانے کیلئے اہم اقدام
معروف ویڈیو شیئرنگ پلیٹ فارم یوٹیوب نے بچوں کو نامناسب مواد سے بچانے کے لیے ایک اہم اقدام اُٹھا لیا۔https://jang.com.pk/assets/front/images/jang-icons/16x16.png
یہ اقدام یوٹیوب کے پہلے سے موجود ڈیجیٹل ویل بینگ ٹولز جیسے Take a Break اور Bedtime Reminders کے تسلسل میں کیا گیا ہے، جو صارفین کو مخصوص وقت کے بعد دیکھنا بند کرنے کی یاد دہانی کراتے ہیں۔
ماہرین کے مطابق یہ قدم ذہنی صحت کے فروغ کے لیے اہم ہے، تاہم ناقدین کا کہنا ہے کہ صرف یاد دہانیاں دینا کافی نہیں، بلکہ حقیقی وقت کی پابندی کے لیے سخت اقدامات درکار ہیں۔
یہ فیچر ایسے وقت میں سامنے آیا ہے جب امریکا سمیت دنیا بھر میں سوشل میڈیا پلیٹ فارمز پر 2,000 سے زائد مقدمات زیرِ سماعت ہیں، جس میں ان پر نشہ آور خصوصیات متعارف کرانے کے الزامات عائد ہیں جو بچوں کی ذہنی صحت پر منفی اثر ڈال رہی ہیں۔
Pages:
[1]