علی ترین نے بیان پی ایس ایل کے بہترین مفاد میں دیا ہے: ملتان سلطانز
https://jang.com.pk/assets/uploads/updates/2025-10-23/1522235_1612092_ali-tareen-MultanSultan_updates.jpg—فائل فوٹوزپاکستان کرکٹ بورڈ کی جانب سے قانونی نوٹس ملنے پر ملتان سلطانز نے بیان جاری کیا ہے جس میں کہا گیا ہے کہ علی ترین نے جو بھی بیان دیا ہے وہ پی ایس ایل کے بہترین مفاد میں دیا ہے۔
ملتان سلطانز کے مطابق پی سی بی کے نوٹس میں ملتان سلطانز کے مالک علی ترین کے بیانات واپس لینے اور پی ایس ایل انتظامیہ سے عوامی معافی کا مطالبہ کیا گیا تھا، نوٹس میں فرنچائز سے معاہدے کو ختم کرنے اور علی ترین کو بلیک لسٹ کرنے کی دھمکی بھی دی گئی تھی۔
ملتان سلطانز نے کہا ہے کہ علی ترین نے نوٹس کا جواب دے دیا ہے اور ملتان سلطانز کی جانب سے نوٹس پر افسوس کا اظہار کیا گیا ہے، علی ترین نے جو بھی بیان دیا ہے وہ پی ایس ایل کے بہترین مفاد میں دیا ہے۔ https://jang.com.pk/assets/uploads/updates/2025-10-23/1522221_060909_updates.jpg
ملتان سلطانز کو نوٹس کیوں جاری کیا گیا؟ تفصیلات سامنے آ گئیں
پاکستان سپر لیگ （پی ایس ایل） کی فرنچائز ملتان سلطانز کو نوٹس جاری کرنے کی تفصیلات سامنے آ گئیں۔ https://jang.com.pk/assets/front/images/jang-icons/16x16.png
ملتان سلطانز کی جانب سے کہا گیا ہے کہ علی ترین نے ملتان سلطانز کے پلیٹ فارم سے کرکٹ اور نوجوان کرکٹرز کی بہتری کے لیے قابلِ قدر اقدامات کیے ہیں جن میں اکیڈمیز کا قیام بھی شامل ہے۔
ملتان سلطانز نے کہا ہے کہ علی ترین نے ملتان سلطانز میں اربوں روپے کی سرمایہ کاری کی ہے اور ذاتی طور پر 7 ارب روپے کا نقصان بھی اٹھایا ہے۔
ملتان سلطانز کا کہنا ہے کہ تعمیری تنقید کو جرم سمجھنا سمجھ سے باہر ہے، جو پی ایس ایل انتظامیہ کی کمزوری ظاہر کرتا ہے، ایسا محسوس ہوتا ہے کہ پی ایس ایل انتظامیہ سوالات سننے اور جواب دہی کے لیے تیار نہیں ہے۔
Pages:
[1]