بھارت: اپنے ساتھ افیئر چلانے والے تاجر کی قاتل انتہا پسند خاتون رہنما گرفتار
https://jang.com.pk/assets/uploads/updates/2025-10-11/1518588_3394532_pooj_updates.jpgفوٹو: بھارتی میڈیابھارت میں اپنے ساتھ افیئر چلانے والے تاجر کو 3 لاکھ روپے سپاری دے کر قتل کروانے والی ہندو انتہا پسند تنظیم کی خاتون رہنما پوجا شکون پانڈے کو گرفتار کرلیا گیا۔
بھارتی میڈیا کا کہنا ہے کہ علی گڑھ سے تعلق رکھنے والی اکھل بھارتیہ ہندو مہاسبھا کی عہدیدار پوجا شکون پانڈے تاجر ابھیشیک گپتا کے قتل کی مرکزی ملزمہ ہے، اسے آجبھرت پور （راجستھان） سے گرفتار کیا گیا۔
23 ستمبر کو 30 سالہ تاجر ابھیشیک گپتا کو فائرنگ کرکے قتل کیا گیا تھا، پولیس کے مطابق اس قتل کی منصوبہ بندی پوجا شکون پانڈے اور اس کے شوہر نے کی تھی اور شوٹروں کو 3 لاکھ روپے کی سپاری دی گئی تھی۔ https://jang.com.pk/assets/uploads/updates/2025-10-02/1515728_062244_updates.jpg
بھارت: انتہا پسند تنظیم کی خاتون رہنما نے اپنے ساتھ افیئر چلانے والے شخص کو قتل کروادیا
پولیس نے ہندو مہا سبھا کی رہنما ملزمہ پوجا کے شوہر اشوک پانڈے کو گرفتار کر لیا ہے جبکہ مختلف ٹیمیں پوجا شکون پانڈے کی تلاش کر رہی ہیں۔ https://jang.com.pk/assets/front/images/jang-icons/16x16.png
پوجا شکون پانڈے قتل کی رات سے فرار تھی اور اس کی گرفتاری پر 50 ہزار روپے انعام مقرر کیا گیا تھا۔
اس حوالے سے ابھیشیک کے والد نیرج گپتا نے سنگین الزام لگاتے ہوئے دعویٰ کیا کہ ان کے بیٹے کے پوجا شکون پانڈے کے ساتھ تعلقات تھے، جب ابھیشیک نے اس تعلق سے کنارہ کشی اختیار کی تو پوجا نے انتقاماً قتل کی سازش رچائی۔
خیال رہے کہ پوجا شکون پانڈے کو 2019 میں مہاتما گاندھی کے قتل کی ڈرامائی عکاسی کی ویڈیو وائرل کرنے کے بعد گرفتار کیا گیا تھا، ویڈیو میں اس نے پستول سے مہاتما گاندھی کے مجسمے کو گولی ماری تھی اور انہیں قتل کرنے والے شخص ناتھو رام گوڈسے کے مجسمے کو ہار پہنائے تھے۔
Pages:
[1]