پی سی بی کا ہیڈ کوچ ویمن ٹیم محمد وسیم کے عہدے کی مدت ختم کرنے کا اعلان
https://jang.com.pk/assets/uploads/updates/2025-11-03/1525355_9826583_wasim_updates.jpgپاکستان کرکٹ بورڈ کا کہنا ہے کہ محمد وسیم کی جگہ نئے کوچ کی تقرری کا اعلان بعد میں کیا جائے گا۔ فوٹو ایکس محمد وسیمپاکستان کرکٹ بورڈ （پی سی بی） نے ہیڈ کوچ ویمن ٹیم محمد وسیم کے عہدے کی مدت ختم کرنے کا اعلان کر دیا۔
پی سی بی کا کہنا ہے کہ محمد وسیم کے ہیڈ کوچ کے طور پر عہدے کی مدت ختم ہو گئی،نئے ہیڈ کوچ کی تقرری کے عمل کا سلسلہ جاری ہے۔
پاکستان کرکٹ بورڈ کا کہنا ہے کہ محمد وسیم کی جگہ نئے کوچ کی تقرری کا اعلان بعد میں کیا جائے گا۔ https://jang.com.pk/assets/uploads/updates/2025-10-26/1523006_095619_updates.jpg
محمد وسیم کو ہیڈ کوچ کے عہدے سے ہٹانے کا فیصلہ
ذرائع کے مطابق محمد وسیم کو ہیڈ کوچ کے عہدے سے ہٹانے کا فیصلہ کر لیا گیا۔ ان کی جگہ اگلے ہفتے نئے ہیڈ کوچ کی تقرری کا امکان ہے۔https://jang.com.pk/assets/front/images/jang-icons/16x16.png
محمد وسیم کو 2024 میں ہیڈ کوچ مقرر کیا گیا تھا، تاہم ان کی زیرِ نگرانی ٹیم کی کارکردگی میں مسلسل زوال آیا۔
ذرائع کا کہنا ہے کہ پی سی بی کی مکمل حمایت کے باوجود ٹیم کے نتائج مایوس کن رہے، حتیٰ کہ خواتین ورلڈ کپ 2025 میں پاکستان ایک بھی میچ جیتنے میں کامیاب نہ ہو سکا۔
ورلڈ کپ 2025 میں پاکستان خواتین ٹیم کا سفر انتہائی مایوس کن رہا۔ فاطمہ ثناء کی قیادت میں ٹیم ساتویں نمبر پر رہی اور تین پوائنٹس حاصل کر سکی۔ پاکستان کو بنگلادیش، بھارت، آسٹریلیا، اور جنوبی افریقہ کے ہاتھوں بدترین شکستوں کا سامنا کرنا پڑا، جب کہ انگلینڈ اور سری لنکا کے خلاف میچز بارش کی نذر ہو گئے۔
Pages:
[1]