وسیم اکرم کا کھیل میں سیاست کے امتزاج پر اظہارِ ناپسندیدگی
https://jang.com.pk/assets/uploads/updates/2025-11-04/1525563_6497827_2_updates.jpgاسکرین گریبقومی کرکٹ ٹیم کے سابق کپتان وسیم اکرم نے کھیلوں میں سیاست کے بڑھتے ہوئے اثرات پر کھل کر اظہارِ خیال کرتے ہوئے کہا ہے کہ کھیل کو سیاست سے الگ رکھنا ضروری ہے تاکہ کھیل کی روح برقرار رہ سکے۔
وسیم اکرم نے وِزڈن کو دیے گئے انٹرویو میں کہا کہ مجھے کرکٹ میں سیاست بالکل پسند نہیں معاف کیجیے، لیکن سیدھی بات یہی ہے کہ کھیل کو سیاست سے دور ہونا چاہیے۔
انہوں نے کہا کہ آج کرکٹ تقسیم کا شکار ہوتی جا رہی ہے اور اس صورتحال میں انٹرنیشنل کرکٹ کونسل （آئی سی سی） اور قومی بورڈز کو اپنی ذمہ داری ادا کرنی چاہیے۔ https://jang.com.pk/assets/uploads/updates/2025-10-06/1516865_023329_updates.jpg
وسیم اکرم نے عمران خان کو پاکستان کا عظیم ترین کرکٹر قرار دے دیا
وسیم اکرم کے اس بیان نے سوشل میڈیا پر ہلچل مچا دی۔ https://jang.com.pk/assets/front/images/jang-icons/16x16.png
ان کا کہنا تھا کہ ہر ملک کے کھلاڑیوں کو کھیلنے کا موقع ملنا چاہیے، بہادری دکھائیں، بڑے دل کے ساتھ فیصلے کریں مگر بدقسمتی سے ایسا نہیں ہو رہا۔
وسیم اکرم نے کہا کہ یہی وہ جگہ ہے جہاں آئی سی سی اور کرکٹ بورڈز کو کردار ادا کرنا چاہیے، اس سے فرق نہیں پڑتا کہ لیگ کس کی ہے یا ٹیم کس کی ملکیت میں ہے، ہر قوم کے کھلاڑیوں کو کھیلنے دیا جانا چاہیے۔
واضح رہے کہ حال ہی میں 2025 کے ایشیا کپ کے دوران بھارتی کھلاڑیوں کے رویے نے تنازع کھڑا کردیا تھا، جب انہوں نے پاکستانی کرکٹرز سے مصافحہ کرنے سے گریز کیا تھا اور معاملہ مزید سنگین ہوگیا تھا۔
Pages:
[1]