خواتین کی اصل کہانی 35 سال کے بعد شروع ہوتی ہے: ثانیہ سعید
https://jang.com.pk/assets/uploads/updates/2025-11-04/1525590_8196069_9_updates.jpgفائل فوٹوپاکستان کی سینئر اداکارہ ثانیہ سعید نے خواتین کے کردار، مالی خودمختاری اور مرد و زن کے تعلقات پر کھل کر گفتگو کی ہے۔
معروف اداکارہ حال ہی میں ایک پوڈکاسٹ میں شریک ہوئیں جہاں انہوں نے شوبز انڈسٹری میں بڑی عمر کی خواتین کی نمائندگی سے متعلق اہم نکات اٹھائے۔
ثانیہ سعید نے کہا، ’ہمارے معاشرے میں بڑی عمر کی خواتین کے لیے بہت کم کہانیاں لکھی جاتی ہیں اور یہ دراصل اس بات کی عکاسی کرتا ہے کہ عورت کو کس نظر سے دیکھا جاتا ہے۔ ہماری سوسائٹی میں عورت کو زیادہ تر بچوں کو جنم دینے والی شے کے طور پر دیکھا جاتا ہے۔ عورت کو صرف اُس وقت قابلِ توجہ سمجھا جاتا ہے جب وہ جوان ہو، اسی لیے 35 سالہ عورت کی کہانی نہیں سنائی جاتی، حالانکہ حقیقت یہ ہے کہ عورت کی زندگی اور کہانی تو اُس عمر کے بعد شروع ہوتی ہے۔‘ https://jang.com.pk/assets/uploads/updates/2025-05-06/1468275_012441_updates.jpg
ثانیہ سعید نے اپنی طلاق پر خاموشی توڑدی
ثانیہ سعید نے پوڈکاسٹ میں گفتگو کرتے ہوئے بتایا کہ میں سابق شوہر شاہد شفاعت سے علیحدہ ہو چکی ہوں۔ https://jang.com.pk/assets/front/images/jang-icons/16x16.png
انہوں نے مزید کہا، ’میں نے کبھی اپنی اصل عمر کے کردار نہیں کیے، جوانی میں بھی مجھے ماں کے کردار دیے گئے۔‘
مرد و عورت کے تعلقات پر بات کرتے ہوئے ثانیہ سعید نے کہا کہ اصل مسئلہ کمیونیکیشن کا ہے۔ مرد اور عورت کے درمیان بات چیت کی کمی ہی زیادہ تر مسائل کی جڑ ہے، ہم آسٹریلیا میں ایک فیسٹیول میں تھے، سب لوگ رقص کر رہے تھے، ماحول خوشگوار تھا، میرے ایک دوست نے پوچھا تم ہمیشہ کہتی ہو کہ مرد اور عورت کے درمیان دوستانہ اور مثبت ماحول ہونا چاہیے اس کا مطلب کیا ہے؟ میں نے فیسٹیول کی طرف اشارہ کیا اور کہا کہ یہی ہے۔ یہاں ثقافتی اصول موجود ہیں، کوئی کسی کو چھو نہیں سکتا، حتیٰ کہ اگر کوئی لڑکی گر جائے تو جب تک ایمبولینس نہ آئے کوئی اسے ہاتھ نہیں لگا سکتا، یہ اصول احترامِ انسانیت پر مبنی ہیں، کسی کی ذاتی حدود میں مداخلت نہیں کی جاتی، انہیں اپنی زندگی جینے دی جاتی ہے۔‘ https://jang.com.pk/assets/uploads/updates/2025-10-25/1522790_120633_updates.jpg
صائمہ قریشی کے خواتین مخالف بیان پر ثانیہ سعید کا ردعمل
سماجی مسائل پر کھل کر بات کرنے والی پاکستان کی نامور اور ورسٹائل اداکارہ ثانیہ سعید نے خواتین کی کمائی میں برکت سے متعلق ساتھی اداکارہ کے بیان کا منہ توڑ جواب انتہائی سادہ انداز میں دے دیا۔ https://jang.com.pk/assets/front/images/jang-icons/16x16.png
مالی خودمختاری پر بات کرتے ہوئے ثانیہ سعید نے کہا کہ عورت کی معاشی آزادی بہت ضروری ہے، اس میں کوئی شک نہیں، ہر عورت کے پاس کوئی نہ کوئی ہنر یا صلاحیت ہونی چاہیے جو اس کی آمدنی کا ذریعہ بن سکے، معاشرتی ڈھانچے میں فیصلہ سازی کی طاقت ہمیشہ مالی خودمختاری سے جڑی ہوتی ہے، اگر کوئی حادثہ یا مشکل وقت آئے تو مالی طور پر مضبوط عورت اپنے پاؤں پر کھڑی ہو سکتی ہے لیکن جب وہ کسی پر منحصر ہو تو فیصلے کی طاقت اس کے ہاتھ سے نکل جاتی ہے، حتیٰ کہ وہ اپنے بچوں کے بارے میں بھی آزادانہ فیصلے نہیں کر پاتی۔
انہوں نے مزید کہا کہ اقتصادی آزادی عورت کو علم، خود اعتمادی اور فیصلہ سازی کی قوت دیتی ہے کیونکہ جب عورت گھر سے نکل کر دنیا سے ملتی ہے، تو وہ سیکھتی اور آگے بڑھتی ہے، عورت ایک مکمل انسان ہے، اس کی صلاحیتوں کو استعمال کیا جانا چاہیے لیکن ہم نے اسے گھر کی چار دیواری تک محدود کر دیا ہے، جس کا نتیجہ یہ ہے کہ آج بہت سی جگہوں پر عورتوں کی کمی محسوس کی جا رہی ہے، مثلاً افغانستان میں خواتین ڈاکٹرز کی شدید کمی ہے۔
Pages:
[1]