نیو یارک کے میئر کا الیکشن، پولنگ کا عمل جاری
https://jang.com.pk/assets/uploads/updates/2025-11-04/1525640_1959201_new-york_updates.jpgنیو یارک کے میئر کے امیدوار ظہران ممدانی ووٹ کاسٹ کررہے ہیں۔ فوٹو: اے ایف پینیو یارک کے میئر کے الیکشن کے لیے پولنگ کا عمل جاری ہے، 9 دن تک جاری رہنے والی ابتدائی ووٹنگ میں 7 لاکھ 35 ہزار سے زائد ووٹ ڈالے جاچکے۔
مسلمان امیدوار ظہران ممدانی کا مقابلہ نیو یارک کے سابق گورنر اینڈریو کومو اور ری پبلکن حریف کرٹس سلوا سے ہے۔
سروے پولز کے مطابق ممدانی کی پوزیشن مستحکم ہے۔ امریکی صدر ڈونلڈ ٹرمپ اور ایلون مسک نے ظہران ممدانی کے مقابلے میں آزاد امیدوار اور نیویارک کے سابق گورنر اینڈریو کومو کی حمایت کی ہے۔ https://jang.com.pk/assets/uploads/updates/2025-11-04/1525640_8834032_new-york01_updates.jpgفوٹو: اے ایف پی
صدرٹرمپ نے کہا ہے کہ اگر ظہران ممدانی میئر کا انتخاب جیت گئے تو وہ نیویارک شہر کے لیے وفاقی فنڈز محدود کر دیں گے۔
نیو یارک میں میئر کے عہدے کےلیے ووٹنگ کا عمل مقامی وقت کے مطابق صبح 6 بجےسے رات 9 بجے تک جاری رہےگا جس میں 5.1 ملین رجسٹرڈ ووٹرز حق رائے دہی استعمال کریں گے۔
نو دن تک جاری رہنے والی ابتدائی ووٹنگ میں ریکارڈ 7 لاکھ 35 ہزار سے زائد ووٹ ڈالے جا چکے ہیں۔ پولنگ سے پہلے ڈیموکریٹک امیدوار ظہران ممدانی نے نیو یارک میں ریلی نکالی اور شہریوں سے ووٹ کی اپیل کی۔
یہ بھی پڑھیے
[*] اہل نیو یارک ظہران ممدانی کی جیت کیلئے پرامید
[*] بارک اوباما کی ظہران ممدانی کو حمایت کی یقین دہانی
[*] ہم ایک دوسرے کا سہارا ہیں، ثانیہ مرزا نے بہن کے ہمراہ تصویر شیئر کردی
ممدانی کی پالیسیوں میں نیو یارک کے امیر ترین طبقے پر ٹیکس بڑھانا، کارپوریشن ٹیکس میں اضافہ، کرایہ منجمد کرنا اور کم آمدنی والے شہریوں کے لیے رہائشی منصوبے بڑھانا شامل ہیں۔
دوسری جانب صدرٹرمپ نے آزاد امیدوار اینڈریو کومو کی حمایت کی ہے۔ صدر نے اپنے بیان میں کہا کہ ظہران ممدانی جیتے تو نیو یارک سٹی مکمل معاشی اور سماجی تباہی کا شکار ہو جائے گا۔ کرٹس سلوا کو ووٹ دینا دراصل ممدانی کو ووٹ دینا ہے۔ اینڈریو کومو کےعلاوہ دوسرا کوئی آپشن موجود نہیں۔
Pages:
[1]