بھارت: مسافر ٹرین اور مال گاڑی میں تصادم کے نتیجے میں 11 افراد ہلاک
https://jang.com.pk/assets/uploads/updates/2025-11-05/1525884_4369620_News6_updates.jpgفوٹو بشکریہ بین الاقوامی میڈیا
بھارت کے شہر بلاسپور میں مسافر ٹرین اور کارگو ٹرین کے درمیان ہونے والی خطرناک ٹکر کے نتیجے میں 11 افراد ہلاک جبکہ 20 زخمی ہوگئے۔
بھارتی میڈیا رپورٹس کے مطابق حادثہ بلاس پور-گٹورا سیکشن کے درمیان پیش آیا۔
بھارتی سرکاری افسر سنجے اگروال کے مطابق مقامی مسافر ٹرین نے آگے آنے والی ایک مال گاڑی کو زوردار ٹکر ماری۔
امدادی ٹیموں نے کئی گھنٹے کی جدوجہد کی، اس دوران لوہے کے کَٹرز کا بھی استعمال کیا گیا۔
بھارتی میڈیا کا کہنا ہے کہ حادثے کے بعد ریلوے حکام نے روٹ پر متعدد مسافر اور ایکسپریس ٹرینوں کو معطل کردیا۔
بھارتی ریلوے نے واقعے کی تحقیقات کا حکم دیتے ہوئے مرنے والے افراد کے لواحقین کے لیے مالی امداد جبکہ زخمیوں کے لیے معاوضے کا اعلان کیا ہے۔
Pages:
[1]