بابر اعظم کی شہرت اور کامیابی کچھ سابق کرکٹرز کو ہضم نہیں ہو رہی: اعظم خان
https://jang.com.pk/assets/uploads/updates/2025-11-06/1526179_7447551_5_updates.jpgفوٹو بشکریہ سوشل میڈیا
پاکستانی کرکٹر اعظم خان کا کہنا ہے کہ بابر اعظم کی شہرت اور کامیابی کچھ سابق کرکٹرز کو ہضم نہیں ہو رہی۔
اعظم خان نے حال ہی میں ایک پوڈ کاسٹ میں بطور مہمان شرکت کی جہاں اُنہوں نے اب تک کہ اپنے کرکٹ کیریئر کے بارے میں دلچسپ گفتگو کی۔
اُنہوں نے بابر اعظم کے بارے میں بات کرتے ہوئے کہا کہ وہ ہمارے پاس پچھلے 10 سالوں میں سامنے آنے والے واحد ٹیلنٹڈ بیٹر ہیں، ان کے آنے سے پہلے پاکستان کرکٹ صرف فاسٹ بولنگ کی وجہ سے مشہور تھی لیکن اس بندے نے ہمیں بیٹنگ کی وجہ سے مشہور کردیا۔
اعظم خان نے کہا کہ جب ویرات کوہلی نے اپنے کیریئر کا آغاز کیا تو ان کے ارد گرد وی وی ایس لکشمن، سچن ٹنڈولکر، سہواگ اور دھونی جیسے لیجنڈز تھے لیکن بابر اعظم کے پاس کون تھا؟ کوئی بھی نہیں۔ https://jang.com.pk/assets/uploads/updates/2025-11-03/1525371_072406_updates.jpg
شاہین آفریدی فیصل آباد میں 17 سال بعد کرکٹ کی واپسی پر خوش
پاکستان ون ڈے ٹیم کے نو منتخب کپتان شاہین شاہ آفریدی نے فیصل آباد میں 17 سال بعد کرکٹ کی واپسی پر خوشی کا اظہار کیا ہے۔ https://jang.com.pk/assets/front/images/jang-icons/16x16.png
اُنہوں نے کہا کہ پچھلے 10 سالوں میں صرف شاہد آفریدی ہی تھے جن کے پاس اسٹارڈم تھا جنہوں نے لوگوں کو کرکٹ میچ دیکھنے پر مجبور کیا اور اب ویسا اسٹارڈم بابر اعظم کے پاس ہے،جب وہ بیٹنگ کے لیے گراؤنڈ میں آتے ہیں تو لوگ خوش ہوتے ہیں مجھے لگتا ہے کہ یہ سب کچھ سابق کرکٹرز سے ہضم نہیں ہو رہا۔
اعظم خان نے مزید کہا کہ سابق کرکٹرز بھی اتنے مشہور ہوسکتے تھے اگر اس وقت بھی سوشل میڈیا موجود ہوتا۔
واضح رہے کہ بابر اعظم کو کئی سابق کرکٹرز ان کے اسٹرائیک ریٹ، کپتانی اور کھیلنے کے انداز پر تنقید کا نشانہ بناتے ہیں۔
Pages:
[1]