دانش تیمور کا ہرش وردھن رانے سے مشابہت پر دلچسپ جواب
https://jang.com.pk/assets/uploads/updates/2025-11-07/1526401_2468169_2_updates.jpgفائل فوٹوز
معروف پاکستانی اداکار دانش تیمور نے بھارتی اداکار ہرش وردھن رانے سے مشابہت سے متعلق مداحوں کے تبصروں پر دلچسپ انداز میں جواب دے کر سوشل میڈیا پر دھوم مچا دی۔
دانش تیمور پاکستان کے مقبول ترین اداکاروں میں سے ایک ہیں، ان کے انسٹاگرام پر 88 لاکھ سے زائد فالوورز ہیں، انہوں نے کئی سپر ہٹ ڈراموں میں شاندار اداکاری کی ہے، جس کے مجموعی ویوز اربوں تک جا پہنچے ہیں۔
ان دنوں دانش تیمور اپنی اہلیہ عائزہ خان کے ہمراہ امریکا کے دورے پر ہیں، جہاں وہ مداحوں سے میٹ اینڈ گریٹ سیشنز میں ملاقات کر رہے ہیں اور مختلف فنڈ ریزنگ ایونٹس میں بھی شرکت کر رہے ہیں۔
ایک تقریب کے دوران مداحوں نے دانش تیمور سے کہا کہ ان کی شکل بھارتی اداکار ہرش وردھن رانے سے ملتی ہے، اس پر دانش تیمور نے مسکراتے ہوئے جواب دیا کہ ہرش وردھن رانے؟ آپ کہہ رہے ہیں میں ان جیسا لگتا ہوں؟ آپ بتائیں، کیا میں واقعی ان جیسا لگتا ہوں؟ اگر ہاں، تو میرا جواب یہ ہے کہ میں کسی جیسا نہیں لگتا، میں اپنی طرح ہوں، میں اصل ہوں۔ https://jang.com.pk/assets/uploads/updates/2025-09-21/1512198_092259_updates.jpg
دانش تیمور انسٹاگرام پر سب سے زیادہ فالو کیے جانے والے پاکستانی اداکار بن گئے
دانش تیمور نے سوشل میڈیا کی دنیا میں ایک شاندار کامیابی حاصل کر لی ہے https://jang.com.pk/assets/front/images/jang-icons/16x16.png
مداحوں نے بھی ان کے اس خوش مزاج اور پُراعتماد انداز کی تعریف کی، کئی صارفین نے لکھا کہ دانش تیمور ہرش وردھن رانے سے کہیں زیادہ خوبصورت ہیں، جبکہ کچھ نے کہا کہ دونوں میں واقعی کچھ مشابہت تو ہے۔
سوشل میڈیا پر دانش تیمور کے اس جواب کو دلچسپ، باوقار اور مزاحیہ قرار دیا جارہا ہے۔
Pages:
[1]