پی این ایس سیف کا مالدیپ کی بندرگاہ پہنچنے پر پرتپاک استقبال
https://jang.com.pk/assets/uploads/updates/2025-11-07/1526513_3807473_GAZA-NEW-2_updates.jpgپاک بحریہ کے مشن کمانڈر کموڈور ایم ذیشان نبی شیخ مالدیپ کے چیف آف ڈیفینس فورسز میجر جنرل ابراہیم حلمی کے ساتھ ایم این ڈی ایس ہیڈ کوارٹر مالے میں ملاقات کے موقع پر۔（ تصویر سوشل میڈیا）۔پاکستان نیوی کا جہاز سیف مالے کی بندرگاہ پر پہنچ گیا، بندرگاہ پہنچنے پر مالدیپ کے حکام نے جہاز کا پرتپاک استقبال کیا۔
مسلح افواج کے شعبہ تعلقات عامہ آئی ایس پی آر کے مطابق دورے کے موقع پر مشن کمانڈر نے مالدیپ کی عسکری قیادت سے ملاقاتیں کیں اور باہمی دلچسپی کے امور، بحری تعلقات اور سمندری سلامتی کے شعبے میں تعاون پر تبادلہ خیال کیا۔https://jang.com.pk/assets/uploads/updates/2025-11-07/1526513_2460970_GAZA-new_updates.jpgمشن کمانڈر کموڈور ایم ذیشان نبی شیخ کے پاکستان ہائی کمیشن مالے کے دورہ کے موقع پر ہائی کمیشنر وائس ایڈمرل （ر） فیصل رسول لودھی اور دیگر کے ہمراہ گروپ فوٹو۔（تصویر سوشل میڈیا）۔
آئی ایس پی آر کے مطابق مختلف ممالک کے سرکاری عہدیداران، سفیر اور سفارتی برادری کے ارکان نے پی این ایس سیف کا دورہ کیا۔
آئی ایس پی آر کے مطابق پی این ایس سیف نے مالدیپ کوسٹ گارڈ کے جہازوں کے ساتھ ایک پیسج ایکسرسائز بھی کی۔
آئی ایس پی آر کے مطابق پاک بحریہ کے جہازوں کے مالدیپ کے باقاعدہ دورے دونوں ممالک کے مضبوط دوطرفہ تعلقات کی عکاسی کرتے ہیں، دورے دونوں بحری افواج کے درمیان باہمی صلاحیتوں میں مزید اضافہ کریں گے۔
Pages:
[1]