ایشیا کپ ٹرافی معاملہ، پاک بھارت بورڈز کے درمیان تعلقات بحال ہونے لگے
https://jang.com.pk/assets/uploads/updates/2025-11-08/1526767_8023139_13_updates.jpgایشیا کپ ٹرافی کے معاملے پر پاک بھارت بورڈز کے درمیان تعلقات بحال ہونے لگے۔
بھارتی کرکٹ بورڈ کے سیکریٹری دیوا جیت سائیکیا نے کہا ہے کہ معاملے کو حل کرنے میں آئی سی سی کے سینئر عہدیدار ملوث ہیں، امید ہے کہ یہ معاملہ باہمی افہام و تفہیم سے حل ہو جائے گا۔
بھارتی میڈیا سے گفتگو کرتے ہوئے انہوں نے کہا کہ آئی سی سی یا کسی اور کی جانب سے کوئی سنگین اقدام اٹھانے سے پہلے ہی یہ معاملہ باہمی طور پر حل ہو جائے گا۔ https://jang.com.pk/assets/uploads/akhbar/2025-11-08/1526546_022506_updates.jpg
ایشیا کپ ٹرافی تنازع،محسن نقوی کا سخت موقف ،آئی سی سی فوری فیصلہ نہ لے سکے گا
کراچی ایشیا کپ ٹرافی کے حوالے سے پاکستان کر کٹ... https://jang.com.pk/assets/front/images/jang-icons/16x16.png
دیواجیت سائیکیا کا کہنا ہے کہ دونوں سائیڈز معاملے کو جلد حل کرنے کے لیے تیار ہیں، ہمارا پورا ملک اور بی سی سی آئی ایشیا کپ ٹرافی کا انتظار کر رہا ہے، آئی سی سی کے ایجنڈے میں ایشیا کپ ٹرافی کا معاملہ نہیں تھا۔
انہوں نے کہا کہ آئی سی سی کے تعاون سے چیئرمین پی سی بی محسن نقوی کے ساتھ الگ سے ملاقات کی، ملاقات میں آئی سی سی کا سینئر عہدیدار بھی موجود تھا۔
بھارتی کرکٹ بورڈ کے سیکریٹری کا کہنا ہے کہ دونوں سائیڈز کے درمیان برف پگھلنے لگی ہے اور مختلف آپشنز کو دیکھا جارہا ہے، اگر چیزیں اچھی سمت میں جاتی رہیں تو آنے والے دنوں میں معاملہ حل ہو جائے گا۔
Pages:
[1]