ترکیہ نے اسرائیلی وزیراعظم نیتن یاہو کے وارنٹ گرفتاری جاری کردیے
https://jang.com.pk/assets/uploads/updates/2025-11-08/1526778_8774163_netin_updates.jpgاسرائیلی وزیر اعظم نیتن یاہو: فوٹو اے ایف پیترکیہ نے اسرائیلی وزیراعظم نیتن یاہو اور دیگر سینئر اسرائیلی حکام کیخلاف فلسطین میں نسل کشی کے الزام میں وارنٹ گرفتاری جاری کر دیے۔
ترکیہ پراسیکیوٹر آفس کے مطابق اسرائیلی وزیراعظم نیتن یاہو اور دیگر 36 سینئر اسرائیلی حکام کے خلاف فلسطین میں نسل کشی کے الزام میں وارنٹ گرفتاری جاری کیے ہیں۔
ان افراد میں اسرائیلی وزیر دفاع، اسرائیلی قومی سلامتی کے وزیر اور اسرائیلی آرمی چیف شامل ہیں۔ https://jang.com.pk/assets/uploads/updates/2025-11-03/1525395_105925_updates.jpg
حماس کی جانب سے بھیجی گئیں 3 فوجیوں کی لاشوں کی اسرائیل نے تصدیق کردی
فارنزک ماہرین کی جانب سے شناخت کے عمل کی تکمیل کے بعد فوجی نمائندوں نے ان کے اہل خانہ کو اطلاع دی کہ ان کے عزیزوں کی لاشیں واپس آگئی ہیں، اب بھی 8 اسرائیلی یرغمالیوں کی لاشیں حماس کے پاس موجود ہیں۔https://jang.com.pk/assets/front/images/jang-icons/16x16.png
ترکیہ نے اسرائیلی حکام پر غزہ میں منظم طریقے سے نسل کشی اور انسانیت کے خلاف جرائم کا الزام لگایا ہے۔
ترک میڈیا کے مطابق اسرائیلی حکام کے خلاف تحقیقات کا آغاز گلوبل صمود فلوٹیلا کے شہری ہمدردانہ مشن کی جانب سے شکایات دائر کرنے کے بعد ہوا، جسے اسرائیلی بحریہ نے غزہ میں امداد پہنچانے کی کوشش کے دوران روکا تھا۔
پراسیکیوٹرز نے جمع کیے گئے شواہد، گواہوں کے بیانات، اور بین الاقوامی قوانین کی روشنی میں کہا کہ اسرائیلی فوجی اور سیاسی رہنما براہِ راست اسپتالوں، امدادی قافلوں اور شہری انفرااسٹرکچر پر حملوں کے ذمہ دار ہیں۔
ترکیہ پراسیکیوٹر کے بیان میں کچھ نمایاں واقعات بھی شامل کیے گئے ہیں، جن میں 6 سالہ ہند رجب کی اسرائیلی فوجیوں کے ہاتھوں شہادت، الاہلی عرب اسپتال پر حملہ جس میں 500 سے زائد افراد شہید ہوئے، اور ترکیہ فلسطینی فرینڈ شپ اسپتال پر حملہ شامل ہیں۔ https://jang.com.pk/assets/uploads/updates/2025-11-02/1525063_102305_updates.jpg
فلسطینی قیدیوں پر تشدد کی ویڈیو لیک کرنیوالی اسرائیلی فوج کی وکیل پراسرار طور پر لاپتہ
اسرائیلی فوج کی جیل سے فلسطینی قیدیوں پر تشدد کی ویڈیو لیک کرنے کے بعد استعفیٰ دینے والی صہیونی فوج کی وکیل میجر جنرل یفات تومر ہروشلمی لاپتہ ہو گئیں۔ https://jang.com.pk/assets/front/images/jang-icons/16x16.png
تحقیق کے مطابق اسرائیل کی غزہ پر ناکہ بندی نے شہریوں تک انسانی امداد پہنچنے میں جان بوجھ کر رکاوٹ ڈالی، جو بین الاقوامی قانون کے تحت ایک اضافی جنگی جرم ہے۔
تحقیقات استنبول پولیس ڈپارٹمنٹ اور نیشنل انٹیلی جنس آرگنائزیشن （MIT） کے تعاون سے جاری ہیں اور ترکیہ نے اس کے ذریعے غزہ میں جنگی جرائم کے مرتکب افراد کے خلاف احتساب اور متاثرین کے لیے انصاف کا عزم ظاہر کیا ہے۔
خیال رہے کہ گزشتہ سال نومبر میں بین الاقوامی فوجداری عدالت نے بھی نیتن یاہو اور ان کے سابق دفاعی وزیر کے خلاف غزہ میں جنگی جرائم اور انسانیت کے خلاف جرائم کے الزامات پر گرفتاری کے وارنٹ جاری کیے تھے۔
اس کے علاوہ اسرائیل کو انٹرنیشنل کورٹ آف جسٹس میں بھی غزہ پر حملے کے حوالے سے نسل کشی کے مقدمے کا سامنا ہے۔
Pages:
[1]