اقبال کے افکار پر عمل کر کے پاکستان کو فلاحی ریاست بنایا جاسکتا ہے: مریم نواز
https://jang.com.pk/assets/uploads/updates/2025-11-09/1526967_8520958_1_updates.jpgفائل فوٹو
وزیراعلیٰ پنجاب مریم نواز نے شاعرِ مشرق علامہ محمد اقبال کے یومِ پیدائش پر اپنے خصوصی پیغام میں کہا ہے کہ پنجاب اور اہلِ پنجاب علامہ اقبال کی فکری عظمت کو سلام پیش کرتے ہیں۔
وزیراعلیٰ نے کہا کہ علامہ اقبال نے اپنی شاعری کے ذریعے برصغیر کے مسلمانوں کو آزادی کا شعور دیا اور قوم کی سمت متعین کی، اقبال کے افکار نے قائداعظم محمد علی جناح کے قافلے کو منزل کی طرف رواں دواں رکھا۔
مریم نواز نے کہا کہ علامہ اقبال نے نوجوانوں کے لیے اپنی شاعری میں فکر انگیز پیغام دیا اور قوم کو خودداری، اعلیٰ اقدار، انصاف پسندی، صاف گوئی اور جمہوریت کا درس دیا۔ https://jang.com.pk/assets/uploads/updates/2024-08-14/1380119_093541_updates.jpg
ہر زندہ اور جیتی جاگتی قوم اپنا احتساب کرتی ہے: وزیرِ اعلیٰ پنجاب مریم نواز
وزیرِ اعلیٰ پنجاب مریم نواز نے شاعر مشرق علامہ محمد اقبال کے مزار پر حاضری دی، پھولوں کی چادر چڑھائی اور فاتحہ خوانی کی۔ https://jang.com.pk/assets/front/images/jang-icons/16x16.png
ان کا کہنا تھا کہ فلسفۂ خودداری پر عمل دراصل علامہ اقبال سے اظہارِ محبت کا بہترین طریقہ ہے، جبکہ اقبال کے افکار پر عمل پیرا ہو کر ہی پاکستان کو ایک اعتدال پسند اور فلاحی ریاست بنایا جاسکتا ہے۔
وزیراعلیٰ پنجاب نے کہا کہ علامہ اقبال کی شاعری اور افکار پر عمل کرنا ہی انہیں حقیقی خراجِ تحسین پیش کرنے کا بہترین ذریعہ ہے۔
انہوں نے کہا کہ آج کے دن ہمیں بحیثیتِ قوم علامہ اقبال کے افکار کو مشعلِ راہ بنانے کے عزم کا اعادہ کرنا چاہیے، کیونکہ علامہ اقبال کے تصورِ پاکستان کو سمجھنا وقت کی اہم ترین ضرورت ہے۔
Pages:
[1]