دلجیت دوسانجھ کو دھمکیاں، آکلینڈ میں کنسرٹ متاثر ہونے کا خدشہ
https://jang.com.pk/assets/uploads/updates/2025-11-10/1527219_634450_2_updates.jpgفائل فوٹومعروف بھارتی پنجابی گلوکار اور اداکار دلجیت دوسانجھ کو ایک بار پھر سنگین دھمکیاں ملنے لگیں۔
ان کے عالمی کنسرٹس کے دوران حالیہ واقعات نے صورتحال کو مزید کشیدہ بنادیا ہے۔
بھارتی میڈیا رپورٹس کے مطابق چند روز قبل بھی دلجیت دوسانجھ کو براہِ راست دھمکی ملی تھی اور اس کے بعد آسٹریلیا کے شہر پرتھ میں گلوکار کے کنسرٹ کے دوران نعرے لگائے گئے، جس سے پروگرام میں بدنظمی پیدا ہوئی۔
اب نیوزی لینڈ کے شہر آکلینڈ میں ہونے والے دلجیت دوسانجھ کے آئندہ کنسرٹ کو بھی سبوتاژ کرنے کی دھمکیاں سامنے آئی ہیں۔ اطلاعات کے مطابق ایک گروہ اس تقریب میں رکاوٹ ڈالنے کا منصوبہ بنا رہا ہے۔ https://jang.com.pk/assets/uploads/updates/2025-09-26/1513862_125220_updates.jpg
دلجیت دوسانجھ کی بھارتی منافقت پر کڑی تنقید
ان کا کہنا تھا کہ میرے پاس ہر اعتراض کا جواب ہے، لیکن میں نے خاموشی اختیار کی https://jang.com.pk/assets/front/images/jang-icons/16x16.png
تاہم دلجیت دوسانجھ نے ان تمام دھمکیوں کے باوجود اپنا حوصلہ برقرار رکھا ہے، ایڈیلیڈ میں کنسرٹ کے بعد انہوں نے سوشل میڈیا پر مداحوں کا شکریہ ادا کرتے ہوئے کہا کہ وہ دباؤ میں نہیں آئیں گے۔
اپنے پیغام میں دلجیت نے لکھا کہ زندگی میں سکون اسی وقت ملتا ہے جب آپ صرف ان چیزوں پر توجہ دیں جس پر آپ کا اختیار ہے جیسے کہ اپنے اعمال پر، حالات پر نہیں۔
دلجیت کے مداح دنیا بھر میں ان کے ساتھ اظہارِ یکجہتی کر رہے ہیں اور پرُامید ہیں کہ وہ آکلینڈ کنسرٹ بھی کامیابی سے انجام دیں گے۔
Pages:
[1]