آج قومی کرکٹ کیلئے فخر کا دن ہے: محسن نقوی
https://jang.com.pk/assets/uploads/updates/2025-11-16/1529035_7336148_Mohsinnaqvi1_updates.jpgمحسن نقوی—فائل فوٹو
چیئرمین پاکستان کرکٹ بورڈ （پی سی بی） محسن نقوی نے آج کے دن کو قومی کرکٹ کے لیے فخر کا دن قرار دیا ہے۔
ایک بیان میں چیئرمین پی سی بی نے سری لنکا کے خلاف قومی ٹیم کی کلین سوئپ فتح اور ایشیاء کپ رائزنگ اسٹارز میں بھارت کو پاکستان شاہینز کے ہاتھوں شکست پر مبارک باد دی۔ https://jang.com.pk/assets/uploads/updates/2025-11-16/1529027_110211_updates.jpg
ایشیاء کپ رائزنگ اسٹارز، پاکستان بھارت کو ہرا کر سیمی فائنل میں پہنچ گیا
ایشیاء کپ رائزنگ اسٹارز ٹی 20 کے گروپ میں پاکستان شاہینز نے بھارت اے کو 8 وکٹوں سے شکست دے دی۔ https://jang.com.pk/assets/front/images/jang-icons/16x16.png
انہوں نے کہا کہ پاکستان شاہینز نے بھارت اے کو 8 وکٹ سے ہرا دیا، ایونٹ میں ٹیم نے دبنگ، نڈر اور ناقابلِ فراموش پرفارمنس دی ہے۔
محسن نقوی نے کہا کہ پاکستان شاہینز نے بھارت اے کا ہدف صرف 13 اعشاریہ 2 اوورز میں حاصل کیا، ہماری نوجوان توپوں کی شاندار کرکٹ سے پاکستان کا مستقبل روشن ہے۔
اُن کا کہنا ہے کہ سری لنکا کے خلاف ایک روزہ سیریز میں شاندار کلین سوئپ پر تمام کھلاڑیوں کو مبارک باد دیتا ہوں۔ https://jang.com.pk/assets/uploads/updates/2025-11-16/1529034_115208_updates.jpg
کیا ایشیاء کپ رائزنگ اسٹارز میں بھی ٹرافی تنازع اٹھ سکتا ہے؟
ایشیاء کپ رائزنگ اسٹارز کی اختتامی تقریب میں ایک بار پھر ٹرافی کا تنازع اٹھنے کا امکان موجود ہے۔ https://jang.com.pk/assets/front/images/jang-icons/16x16.png
چیئرمین پی سی بی نے کہا کہ ٹی ٹونٹی سیریز جیتنے کے بعد ون ڈے میں بھی سری لنکا کو شکست دی، بیک ٹو بیک شاندار پرفارمنس پر کھلاڑیوں، کوچز اور انتظامیہ کے جذبے پر فخر ہے۔
انہوں نے کہا کہ ان لڑکوں پربھروسہ اور یقین رکھیں، یہ ملک کے لیے اپنا سب کچھ دے رہے ہیں ،پاکستان کرکٹ اور ہمارے شائقین کے لیے ایک بہترین لمحہ ہے۔
محسن نقوی نے حارث رؤف کو مین آف دی سیریز، شاندار بولنگ کا اعزاز ملنے پر خصوصی مبارک باد دی ہے۔
Pages:
[1]