اقوام متحدہ کی غزہ امن منصوبے پر قرار داد، نیتن یاہو کے دفتر سے بیان سامنے آ گیا
https://jang.com.pk/assets/uploads/updates/2025-11-18/1529569_7896928_News9_updates.jpgفوٹو بشکریہ بین الاقوامی میڈیا
اقوامِ متحدہ کی سلامتی کونسل میں غزہ امن سے متعلق منظور ہونے والی قرارداد پر اسرائیلی وزیرِاعظم نیتن یاہو کے دفتر کی جانب سے ردِعمل کا اظہار کیا گیا ہے۔
غزہ امن منصوبے سے متعلق قرارداد پر نیتن یاہو کے دفتر نے جاری کیے گئے بیان میں کہا ہے کہ یقین ہے امریکی صدر ٹرمپ کا منصوبہ امن اور خوشحالی کا باعث بنے گا، یہ منصوبہ ابراہیمی معاہدوں کی توسیع کا بھی باعث کا بنے گا۔
نیتن یاہو کے دفتر کی جانب سے جاری کیے گئے بیان میں کہا گیا ہے کہ ٹرمپ منصوبے میں غزہ کی غیر عسکریت اور انتہاپسندی کے خاتمے پر زور ہے، ٹرمپ وژن کے مطابق منصوبہ اسرائیل اور پڑوسیوں میں انضمام کاباعث کا بنے گا۔ https://jang.com.pk/assets/uploads/updates/2025-11-18/1529520_113054_updates.jpg
غزہ فلسطینی عوام کا ہے، کسی اور کا نہیں، چین اور روس کا غزہ قرارداد پر ردعمل
سلامتی کونسل میں امریکا کی غزہ امن قرارداد پر چین اور روس نے شدید تحفظات کا اظہار کرتے ہوئے کہا ہے کہ غزہ فلسطینی عوام کا ہے، کسی اور کا نہیں۔ https://jang.com.pk/assets/front/images/jang-icons/16x16.png
واضح رہے کہ اقوامِ متحدہ کی سلامتی کونسل میں صدر ٹرمپ کے 20 نکاتی غزہ منصوبے کی حمایت میں قرارداد منظور کر لی گئی ہے۔
غزہ کے لیے بین الاقوامی استحکام فورس کی تعیناتی اور غزہ میں عبوری حکومت کے قیام کے نکات بھی شامل ہیں۔
قرارداد کے حق میں پاکستان سمیت 13 ممالک نے ووٹ دیا جبکہ روس اور چین نے ووٹنگ میں حصہ نہیں لیا۔
ٹرمپ منصوبے میں حماس کو غیر مسلح کرنا اور غزہ کی تعمیرِ نو بھی شامل ہے۔
Pages:
[1]