شاہ محمود قریشی پر اسلام آباد میں کتنے مقدمات درج ہیں؟ رپورٹ عدالت میں پیش
https://jang.com.pk/assets/uploads/updates/2025-10-13/1519163_1118102_ShahMehmoodQureshi_updates.jpgسابق وزیر خارجہ اور تحریک انصاف کے مرکزی رہنما شاہ محمود قریشی کے خلاف درج مقدمات کی تفصیل سامنے آگئی۔
عدالت عالیہ اسلام آباد میں جسٹس محمد اعظم خان نے سابق وزیر خارجہ کی صاحبزادی مہر بانو قریشی کی درخواست پر سماعت کی۔
دوران سماعت عدالت میں شاہ محمود قریشی درج مقدمات کی تفصیل فراہم کی گئی، جس میں بتایا گیا کہ پی ٹی آئی رہنما کے خلاف اسلام آباد میں 17 مقدمات درج ہیں۔
وفاقی پولیس کے ڈی ایس پی لیگل ساجد چیمہ عدالت میں رپورٹ کے ساتھ پیش ہوئے جبکہ درخواست گزار کی جانب سے کوئی بھی پیش نہ ہوسکا۔
رپورٹ میں بتایا گیا کہ شاہ محمودقریشی کے خلاف اسلام آباد کے مختلف تھانوں میں17 مقدمات مختلف دفعات کے تحت درج ہیں۔
عدالت عالیہ اسلام آباد کو بتایا گیا کہ شاہ محمود قریشی کے خلاف تھانہ سی ٹی ڈی میں دہشت گردی دفعات کے تحت درج مقدمہ بھی رپورٹ کا حصہ ہے۔
عدالت نے درخواست گزار کے وکیل کی عدم دستیابی کے باعث سماعت ملتوی کردی۔
Pages:
[1]