مجھے اردو یونیورسٹی کے حقوق کیلئے آواز اٹھانے پر عہدے سے ہٹایا گیا: جمیل احمد خان
https://jang.com.pk/assets/uploads/updates/2025-11-20/1530197_5945482_bmsm_updates.jpg— فائل فوٹو
وفاقی اردو یونیورسٹی کی سینیٹ کے ڈپٹی چیئر جمیل احمد خان کا عہدے سے برطرفی کے بعد ردعمل سامنے آگیا۔
سینیٹ کے سابق ڈپٹی چیئر جمیل احمد خان نے کہا ہے کہ مجھے اردو یونیورسٹی کے حقوق کے لیے آواز اٹھانے کی پاداش میں عہدے سے ہٹایا گیا ہے۔
انہوں نے کہا کہ وزارت تعلیم مجھ سے خوش نہیں تھی کیونکہ میں ہمیشہ اردو یونیورسٹی کے مسائل اور گرانٹ کے لیے آواز اٹھاتا تھا۔ میں نے سیکریٹری تعلیم و پیشہ ور تربیت ندیم محبوب کو کہا تھا کہ اگر مسائل حل نہ ہوئے تو میں میڈیا کے سامنے پریس کانفرنس کروں گا۔ https://jang.com.pk/assets/uploads/updates/2025-11-19/1529916_111918_updates.jpg
اردو یونیورسٹی کے ڈپٹی چیئرمین سینیٹ جمیل احمد خان کو عہدے سے ہٹا دیا گیا
وفاقی اردو یونیورسٹی کے ڈپٹی چیرمین سینیٹ جمیل احمد خان کو انکے عہدے سے ہٹا دیا گیا ہے۔https://jang.com.pk/assets/front/images/jang-icons/16x16.png
جنگ سے خصوصی گفتگو کرتے ہوئے انہوں نے کہا کہ ندیم محبوب میرا جونیئر تھا اور وہ اردو یونیورسٹی کی فائلیں کئی کئی ماہ تک اوپر نہیں بھیجا کرتا تھا جس پر میں اس کو کہتا تھا کہ اردو یونیورسٹی غریبوں کی جامعہ ہے اس پر خصوصی توجہ کی ضرورت ہے لیکن اردو یونیورسٹی کو نظر انداز کیا جاتا رہا۔
عہدے سے برطرفی کے بعد جمیل احمد خان نے کہا کہ وہ اردو یونیورسٹی کی تاریخ میں پہلے پی ایچ ڈی ڈپٹی چیئر ہیں جنہیں 10 برس اقوام متحدہ میں رہنے کا تجربہ بھی ہے۔ میں نے ہمیشہ اردو یونیورسٹی کے لیے رضاکارانہ خدمات انجام دیں لیکن ایسا لگتا ہے کہ وزارت تعلیم کو اردو یونیورسٹی سے کوئی دلچسپی نہیں، اگر یہ سلسلہ جاری رہا تو اردو یونیورسٹی کی حالت مزید خراب ہوجائے گی یا پھر ممکنہ طور پر چند برس میں یونیورسٹی بند یا کسی اور جامعہ کے ساتھ ضم ہوجائے گی۔
Pages:
[1]