سشمیتا سین نے دل کی سرجری سے پہلے بے ہوشی کا انجیکشن کیوں نہیں لگوایا؟
https://jang.com.pk/assets/uploads/updates/2025-11-21/1530417_2681541_2_updates.jpg— فائل فوٹو
بالی ووڈ کی معروف اداکارہ و سابقہ مس یونیورس سشمیتا سین نے انکشاف کیا ہے کہ اُنہوں نے دل کی سرجری سے قبل بے ہوشی کا انجیکشن نہیں لگوایا تھا۔
سشمیتا سین نے ایک حالیہ انٹرویو میں اپنے دل کی سرجری کے بارے میں تفصیل سے گفتگو کی۔
اُنہوں نے بتایا کہ میں دل کی سرجری سے پہلے بہت بے چین تھی اور میں نے ڈاکٹرز سے کہا کہ میں اس آپریشن کے دوران بے ہوش نہیں ہونا چاہتی۔ https://jang.com.pk/assets/uploads/updates/2023-08-01/1253251_100035_updates.jpg
دل کے دورے نے زندگی کی اہمیت کا احساس دلا دیا، سشمیتا سین
بالی ووڈ کی حسینہ عالم سشمیتا سین موت کے منہ سے باہر آنے کے بعد زندگی کی قدر سیکھنے کا انکشاف کیا ہے۔ https://jang.com.pk/assets/front/images/jang-icons/16x16.png
اداکارہ نے بتایا کہ آپریشن کے دوران ہوش میں رہ کر سب کچھ اپنی آنکھوں سے دیکھا تکلیف دہ تھا لیکن بے ہوش ہو کر اس آپریشن کے طریقے کار سے لاعلم رہنا زیادہ خوفناک تھا۔
اُنہوں نے مزید بتایا کہ میں سرجری کے دوران ڈاکٹرز سے بات بھی کرتی رہی اور ڈاکٹرز کو سرجری جلدی مکمل کرنے کو کہا، میں شوٹنگ کے لیے جلدی واپس جانا چاہتی تھی کیونکہ جے پور میں پوری ٹیم میرا انتظار کر رہی تھی۔
واضح رہے کہ سشمیتا سین کو 2023ء میں دل کا دورہ پڑا تھا جس کے بعد ان کی انجیو پلاسٹی کی گئی اور دل میں اسٹینٹ ڈالا گیا، دل کی سرجری ہونے کے فوراََ بعد ہی اداکارہ نے اپنا کام دوبارہ شروع کردیا تھا۔
Pages:
[1]