پورے کیریئر میں اتنا پیسہ نہیں کمایا جتنا یوٹیوب سے ملا: فرح خان کا انکشاف
https://jang.com.pk/assets/uploads/updates/2025-11-21/1530510_8504806_farah-khan_updates.jpgفرح خان—تصویر بشکریہ بھارتی میڈیابالی ووڈ کوریوگرافر اور فلم ساز فرح خان اور ان کے یوٹیوب ویڈیو بلاگز غیر معمولی طور پر مقبول ہیں، یہاں تک کہ ان کے خانساماں دلیپ بھی ان ویڈیوز میں آنے کے بعد ایک جانی پہچانی شخصیت بن گئے ہیں۔
بھارتی میڈیا کے مطابق حال ہی میں فرح خان نے یوٹیوب ویڈیو بلاگنگ سے اپنی بڑے پیمانے پر ہونے والی آمدنی کے بارے میں کھل کر بات کی ہے۔
سوہا علی خان کے انٹرنیٹ ریڈیو شو پوڈکاسٹ میں گفتگو کے دوران فرح خان نے انکشاف کیا کہ اپنی ٹیم کے مسلسل اصرار کے بعد میں اپنا یوٹیوب چینل شروع کرنے پر راضی ہوئی اور چاہتی تھی کہ یہ چینل کھانے سے متعلق ہو۔ https://jang.com.pk/assets/uploads/updates/2025-04-06/1457994_014924_updates.jpg
ساس مجھ سے کیا چاہتی تھیں؟ فرح خان نے بتادیا
بالی ووڈ کی معروف ہدایتکارہ فرح خان نے ایک ساؤتھ انڈین فیملی میں شادی کے بعد ثقافت میں فرق کی وجہ سے سسرال میں ایڈجسٹ ہونے میں در پیش مشکلات کے بارے میں بات کی۔ https://jang.com.pk/assets/front/images/jang-icons/16x16.png
اپنی بڑے پیمانے پر ہونے والی کمائی کے بارے میں فرح خان نے بتایا کہ شاید میں نے اپنے پورے کیریئر میں یہاں تک کہ اتنی ساری فلموں کی ہدایت کاری کرنے کے باوجود بھی ایک سال میں اتنا پیسہ نہیں کمایا جتنا یہاں سے کمایا ہے۔
انہوں نے کہا کہ یہ میرا چینل ہے اس لیے نہ تو کوئی آن لائن ویڈیو دیکھنے کا پلیٹ فارم یا پروڈکشن ہاؤس مجھے کہہ رہا ہے کہ یہ سین تو کاٹنا ہی پڑے گا اور نہ ہی کوئی ٹی وی چینل یہ کہہ رہا ہے کہ آپ صرف اسی مہمان کو لا سکتے ہیں، مجھے اس تفریق سے نفرت ہے کہ ایک کو صفِ اوّل کا اسٹار کہا جاتا ہے اور دوسرے کو گھٹیا سمجھا جاتا ہے۔
فرح خان کو پہلے ہی اپنے یوٹیوب چینل کا سلور پلے بٹن کا اعزاز مل چکا ہے۔
انہوں نے فلم ’ہیپی نیو ایئر‘ کے بعد سے 11 سال میں کسی فلم کی ہدایت کاری نہیں کی، فرح نے یوٹیوب پر چینل بنانے کے اپنے فیصلے کے بارے میں بتایا کہ میں نے اپریل 2024ء میں ویڈیوز پوسٹ کرنا شروع کیں جن کی شروعات میرے اور میرے خانساماں دلیپ کی کھانا پکانے کی ویڈیوز سے ہوئی جو تیزی سے مقبول ہوئیں اور ایک وسیع پیمانے پر دیکھی جانے والی سیریز بن گئیں، اب میرے یوٹیوب پر تقریباً 3 ملین اور انسٹاگرام پر 4.5 ملین فالوورز ہیں۔
کاجول اور ٹوئنکل کے شو میں 60 سالہ فرح خان نے بتایا تھا کہ انہیں یوٹیوب کا سفر شروع کرنے کی ترغیب کہاں سے ملی تھی۔ https://jang.com.pk/assets/uploads/updates/2025-11-11/1527583_034735_updates.jpg
کیریئر کے آغاز میں فلم ڈائریکٹر نے جنسی طور پر ہراساں کیا، فرح خان کا انکشاف
بالی ووڈ کی معروف ڈائریکٹر اور کوریوگرافر فرح خان نے فلمی کیرئیر کے آغاز میں جنسی ہراسانی کا سامنا ہونے کا انکشاف کیا ہے۔ https://jang.com.pk/assets/front/images/jang-icons/16x16.png
فرح کا کہنا تھا کہ جب میری کوئی فلم نہیں بن رہی تھی اورکسی فلم کی ہدایت کاری بھی نہیں کر رہی تھی تو میں نے سوچا کہ چلو یوٹیوب پر چینل بنا لیتی ہوں، میرے 3 بچے یونیورسٹی جا رہے ہیں اور ان کی تعلیم کا خرچہ بہت زیادہ ہوتا ہے، تو میں نے بس مذاق میں کہا کہ ایک شو شروع کرتی ہوں اور وہ چل نکلا۔
فرح خان نے ’میں ہوں نا’، ’اوم شانتی اوم‘ اور ’تیس مار خان‘ جیسی فلموں کی ہدایت کاری سے شہرت حاصل کی۔
Pages:
[1]