ہاردک پانڈیا سے منگنی کی افواہوں پر ماہیکا شرما نے کیا کہا؟
https://jang.com.pk/assets/uploads/updates/2025-11-22/1530821_8073141_hardik_updates.jpgفوٹو: بھارتی میڈیابالی ووڈ اداکارہ ماہیکا شرما نے بھارتی کرکٹر ہاردک پانڈیا سے منگنی کی افواہوں پر اپنے ردِعمل کا اظہار کیا ہے۔
بھارتی میڈیا کے مطابق ماہیکا شرما اور ہاردک پانڈیا کے درمیان منگنی کی افواہیں اس وقت شروع ہوئیں جب مداحوں نے ماہیکا کے ہاتھ میں ایک چمک دار انگوٹھی دیکھی۔
اس سال اکتوبر میں بھارتی کرکٹر ہاردک پانڈیا نے اداکارہ و ماڈل ماہیکا شرما کے ساتھ اپنے تعلقات کی تصدیق کی اور حال ہی میں سوشل میڈیا پر محبت بھری تصاویر کا ایک سیٹ شیئر کیا جس میں سب کی توجہ ماہیکا کی انگلی میں موجود بڑی اور چمک دار انگوٹھی پر گئی جس سے مداحوں میں یہ تجسس پیدا ہوا کہ کیا جوڑے نے منگنی کر لی ہے؟ اب ماہیکا نے بالآخر ان افواہوں پر ردِعمل کا اظہار کیا ہے۔ https://jang.com.pk/assets/uploads/updates/2025-11-21/1530434_112702_updates.jpg
ہاردک پانڈیا اور ماہیکا شرما نے خفیہ منگنی کرلی؟
32 سالہ ہاردک پانڈیا نے اپنے انسٹاگرام پر متعدد خوبصورت تصاویر شیئر کیں https://jang.com.pk/assets/front/images/jang-icons/16x16.png
گزشتہ روز ماہیکا نے انسٹاگرام پر گلابی بالوں والی ایک کالی بلی کی تصویر پوسٹ کی اور لکھا کہ میں سوشل میڈیا کو یہ فیصلہ کرتے ہوئے دیکھ رہی ہوں کہ میری منگنی ہو گئی ہے حالانکہ میں تو بس ہر روز اچھے زیورات پہنتی ہوں۔
انہوں نے ایک اور پوسٹ بھی شیئر کی جس میں مزاحیہ انداز میں لکھا کہ اگلی افواہ حمل کی ہو سکتی ہے، اس کے ساتھ ہی ماہیکا نے ایک کھلونا کار چلاتے ہوئے ایک آدمی کی تصویر اَپ لوڈ کی اور لکھا کہ اگر میں حمل کی افواہوں سے لڑنے کے لیے اس میں آ جاؤں تو آپ کیا کریں گے۔
بدھ کو ہاردک نے انسٹاگرام پر اپنی زندگی کی 3 ترجیحات کرکٹ، اپنے بیٹے اگستیا اور اپنی گرل فرینڈ ماہیکا شرما کی تصاویر شیئر کیں۔
انہوں نے ایک ویڈیو بھی شیئر کی ہے اور دیگر تصاویر میں دونوں جم میں ایک ساتھ ورزش کرتے ہوئے نظر آ رہے ہیں جبکہ ایک آئینے کی سیلفی میں ہاردک کو ماہیکا کو گود میں اٹھائے ہوئے دیکھا جا سکتا ہے۔
ہاردک نے ڈیٹنگ کی افواہیں سامنے آنے کے چند ہفتوں بعد رواں سال اکتوبر میں ماہیکا کے ساتھ اپنے تعلقات کی تصدیق کی تھی۔
کرکٹر نے انسٹاگرام اسٹوریز پر ماہیکا کی کئی تصاویر پوسٹ کیں جن میں ایک تصویر سوئمنگ پول کی ہے، انہوں نے ماہیکا کو اپنی ’11:11 کی خواہش‘ قرار دیا۔ https://jang.com.pk/assets/uploads/updates/2024-08-24/1383600_111206_updates.jpg
ہاردک پانڈیا اور نتاشا کی علیحدگی کے بعد چونکا دینے والا انکشاف سامنے آگیا
نتاشا کیلئے ہاردک پانڈیا کے ساتھ چلنا مشکل ہوتا جارہا تھا کیونکہ وہ ان کے ساتھ اس رفتار سے نہیں چل پارہی تھیں اسی لیے انہوں نے پیچھے ہٹنے کا فیصلہ کیا۔ https://jang.com.pk/assets/front/images/jang-icons/16x16.png
ماہیکا سے پہلے ہاردک کے بارے میں افواہ تھی کہ وہ برطانوی گلوکارہ جیسمین والیا کو ڈیٹ کر رہے ہیں جو ان کے ہمراہ اسٹیڈیم میں اور ممبئی انڈینز کے کولکتہ نائٹ رائیڈرز کے خلاف میچ کے بعد ٹیم کی بس میں سوار ہوتی دیکھی گئی تھیں، بعد میں یہ خبریں آئیں کہ دونوں نے راستے جدا کر لیے اور سوشل میڈیا پر ایک دوسرے کو اَن فالو کر دیا۔
ہاردک اس سے قبل اداکارہ نتاشا اسٹینکووچ سے رشتۂ ازدواج میں منسلک تھے، انہوں نے 2020ء میں ایک پروقار تقریب میں شادی کی اور اسی سال جولائی میں ان کے بیٹے اگستیا کی پیدائش ہوئی، 4 سال کی شادی کے بعد انہوں نے 2024ء میں علیحدگی کا اعلان کیا اور تب سے اپنے بیٹے کی مشترکہ پرورش کر رہے ہیں۔
Pages:
[1]