بابر اعظم کے ساتھ کھیل کر مزہ آتا ہے، صاحبزادہ فرحان
https://jang.com.pk/assets/uploads/updates/2025-11-22/1530844_2401533_SahibZFarhan_updates.jpgپاکستان کرکٹ ٹیم کے اوپننگ بیٹر صاحبزادہ فرحان نے کہا ہے کہ بابر اعظم کے ساتھ کھیل کر مزہ آتا ہے۔
راولپنڈی میں ٹی 20 ٹرائی نیشن سریز میں سری لنکا کے خلاف 80 رنز کی ناقابل شکست باری کھیلنے والے صاحبزادہ فرحان نے میچ کے بعد میڈیا سے گفتگو کی۔
انہوں نے کہا کہ گزشتہ چند میچز اچھے نہیں گئے تھے، بابر اعظم کو سب سپورٹ کرتے ہیں، اسٹار بیٹر کے ساتھ کھیل کر مزہ آتا ہے۔ https://jang.com.pk/assets/uploads/updates/2025-11-22/1530819_091332_updates.jpg
ٹرائی نیشن سیریز، پاکستان نے سری لنکا کو 7 وکٹ سے ہرا دیا
ٹی 20 ٹرائی نیشن سیریز کے تیسرے میچ میں پاکستان نے سری لنکا کو 7 وکٹ سے ہرا دیا۔ https://jang.com.pk/assets/front/images/jang-icons/16x16.png
صاحبزادہ فرحان نے ایونٹ کے تیسرے میچ میں شروع سے ہی جارحانہ انداز اپنایا، انہوں نے 45 گیندوں پر 80 رنز بنائے اور ناٹ آؤٹ رہے، ان کی اننگز 5 چھکوں اور 6 چوکوں سے مزین تھی۔
اوپننگ بیٹر نے 32 ٹی 20 میچز میں ٹیم کی نمائندگی کرلی ہے اور اس دوران 597 گیندوں پر 762 رنز بنالیے ہیں، اُن کا بہترین انفرادی اسکور 80 رنز ہی ہے، جو آج بنایا ہے۔
صاحبزادہ فرحان نے ٹی 20 انٹرنیشنل کیرئیر میں 6 نصف سنچریاں اسکور کرلی ہیں جبکہ اُنہوں نے آج سے قبل آخری ففٹی یعنی 57 رنز بھارت کے خلاف ایشیا کپ کے فائنل میں بنائے تھے۔
Pages:
[1]