سائنس نے ایما اسٹون کو دنیا کی خوبصورت ترین خاتون قرار دیدیا
https://jang.com.pk/assets/uploads/updates/2025-11-23/1531095_6146984_%D9%86%D8%B4%D8%B2_updates.jpgایما اسٹون — فائل فوٹو
سائنس نے ہالی ووڈ کی حسیناؤں کو دنیا کی سب سے خوبصورت خواتین قرار دے دیا۔
سائنسی اعتبار سے دنیا کی سب سے خوبصورت خاتون کا تعلق ہالی ووڈ سے ہے۔
کاسمیٹک اینڈ پلاسٹک سرجری کے برطانوی ادارے کی حالیہ تحقیق میں یہ بات سامنے آئی ہے کہ سائنس کی نظر میں دنیا بھر کی خواتین میں سب سے خوبصورت چہرہ اداکار ایما اسٹون کا ہے۔
حال ہی میں اپنی فلم کے لیے سر منڈوانے والی اداکارہ ایما اسٹون نے خوبصورت چہرے کی دوڑ میں دنیا بھر کی خواتین کو پیچھے چھوڑ دیا ہے۔ https://jang.com.pk/assets/uploads/updates/2025-10-19/1520885_025044_updates.jpg
ایما اسٹون کی نئی فلم ریلیز سے قبل مفت میں دکھانے کی مشروط پیشکش
ہالی ووڈ کی معروف اداکارہ ایما اسٹون کی نئی سائنس فکشن کامیڈی فلم کی اسکریننگ مفت میں دیکھنے کے لیے انوکھی شرط رکھ دی۔ https://jang.com.pk/assets/front/images/jang-icons/16x16.png
تحقیق میں انہیں یہ خطاب خوبصورتی کے یونانی گولڈن ریشو یا معیار کو مدنظر رکھتے ہوئے دیا گیا ہے۔ چہرے کے لحاظ سے ایما اسٹون تمام معیارات میں واضح فاتح قرار پاتی ہیں۔
تحقیق میں بتایا گیا کہ انہیں مجموعی طور پر 94.72 فیصد اسکور دیا گیا۔
تحقیق میں یونانی ریشو کی بنیاد پر چہروں کی میپنگ تکنیکس کو استعمال کیا گیا۔ گولڈن ریشو بنیادی طور پر ایک ریاضی کی مساوات پر مبنی ہے جو قدیم یونان کے افراد خوبصورتی جانچنے کے لیے استعمال کرتے تھے۔
مذکورہ تحقیق میں ایما اسٹون کے بعد دوسرے نمبر پر اداکارہ زینڈیا ہیں جن کا اسکور 94.37 فیصد تھا۔ تیسرے نمبر پر اداکارہ فریدہ پنٹو ہیں جن کا مجموعی اسکور 94.34 فیصد تھا۔ 94.91 فیصد اسکور کے ساتھ اداکارہ ونیسا کیربی چوتھے جبکہ ایک اور اداکارہ جینا اورٹیگا 93.91 فیصد اسکور کے ساتھ 5 ویں نمبر پر رہیں۔
گلوکارہ اولیوا روڈریگو کے حصے میں چھٹا اور اداکارہ مارگوٹ روبی کے حصے میں 7 واں نمبر آیا۔ بھارتی اداکارہ ایشوریا رائے 8 ویں، چینی اداکارہ ٹانگ وی 9 ویں جبکہ گلوکارہ بیونسے 10 ویں خوبصورت ترین خاتون قرار پائیں۔
گزشتہ سال اسی تحقیقی ٹیم نے دنیا کے 10 پرکشش ترین مردوں کا تعین کیا تھا اور اداکار Aaron Taylor-Johnson اس فہرست میں سرفہرست رہے تھے۔
Pages:
[1]