پاکستان کی غزہ میں اسرائیلی حملوں کی شدید مذمت
https://jang.com.pk/assets/uploads/updates/2025-11-23/1531101_7801646_3_updates.jpg— فائل فوٹو
پاکستان نے غزہ میں جاری اسرائیلی حملوں کی شدید مذمت کی ہے۔
ترجمان دفتر خارجہ کے مطابق اسرائیلی حملوں میں خواتین اور بچے شہید ہونے کی رپورٹس ہیں، اسرائیلی اقدامات بین الاقوامی قانون کی کھلی خلاف ورزی ہیں۔ https://jang.com.pk/assets/uploads/updates/2025-11-23/1531066_052900_updates.jpg
غزہ: اسرائیلی فضائی حملوں میں 24 فلسطینی شہید
غزہ میں تازہ اسرائیلی فضائی حملوں میں 24 فلسطینی شہید ہوگئے ہیں۔https://jang.com.pk/assets/front/images/jang-icons/16x16.png
ترجمان دفتر خارجہ نے کہا کہ پاکستان نے شرم الشیخ امن معاہدے کی خلاف ورزی کی بھی مذمت کی ہے اور عالمی برادری سے اسرائیلی جارحیت کو فوری طور پر رکوانے کا مطالبہ کیا ہے۔
ترجمان دفتر خارجہ کے مطابق پاکستان نے عالمی انسانی حقوق و قوانین کے احترام پر زور دیا ہے۔
ترجمان دفتر خارجہ کا کہنا ہے کہ پاکستان آزاد اور خود مختار فلسطینی ریاست کے مطالبے کا اعادہ کرتا ہے، 1967ء سے پہلے کی سرحدوں کی بنیاد پر فلسطین ایک آزاد اور خود مختار ریاست ہونی چاہیے۔
Pages:
[1]