ایسا لگ رہا ہے دوسری بار اپنے والد کو کھو دیا، کپل شرما
https://jang.com.pk/assets/uploads/updates/2025-11-24/1531458_2480900_kapil_updates.jpgفوٹو: ایکس/ کپل شرمابالی ووڈ کے سینیئر اداکار دھرمیندر کی موت پر فلم انڈسٹری اور شوبزنس فنکاروں نے گہرے دکھ کا اظہار کیا ہے۔
معروف کامیڈین و ٹی وی میزبان کپل شرما نے سماجی رابطے کی ویب سائٹ ایکس پر دھرمیندر کے ساتھ اپنی یادگار تصویر شیئر کرتے ہوئے لکھا کہ ’آپ کا چلے جانا دل کو چیر دینے والا ہے۔ ایسا محسوس ہو رہا ہے جیسے میں نے دوسری بار اپنے والد کو کھو دیا ہو۔
کپل شرما نے دھرمیندر سے متعلق لکھا کہ جو محبت اور دعائیں آپ نے مجھے دیں، وہ ہمیشہ میرے دل اور یادوں میں زندہ رہیں گی۔
کامیڈین نے مزید کہا کہ کسی کے دل میں پل بھر میں گھر بنانا آپ ہی کو آتا تھا، آپ ہمیشہ ہمارے دلوں میں رہیں گے۔
خیال رہے کہ بھارتی فلم انڈسٹری کے ممتاز اداکار اور بالی ووڈ کے لیجنڈ دھرمیندر چل بسے، ان کی موت سے شائقین اور فلمی حلقوں میں غم کی لہر دوڑ گئی۔ https://jang.com.pk/assets/uploads/updates/2025-11-13/1528205_062328_updates.jpg
سنی دیول نے گھر کے باہر موجود فوٹوگرافر کو گالی دے دی
اداکار نے سخت لہجے میں میڈیا نمائندوں کو تنبیہ کی کہ وہ ایسے نازک وقت میں ان کے خاندان کی پرائیویسی کا احترام کریں۔ https://jang.com.pk/assets/front/images/jang-icons/16x16.png
بھارتی میڈیا کے مطابق 89 سالہ معروف اداکار گزشتہ کچھ عرصے سے علیل تھے، گزشتہ دنوں ان کو سانس سے متعلق شدید تکلیف کے باعث اسپتال میں داخل کیا گیا تھا۔
بھارتی میڈیا کا کہنا ہے کہ دھرمیندر کی آخری رسومات پون ہنس کریمیٹریم ممبئی میں ادا کی گئیں۔ https://jang.com.pk/assets/uploads/updates/2025-11-13/1528200_053807_updates.jpg
دھرمیندر کی موت کی جھوٹی خبر چلانے والی ٹی وی اینکر ٹرولنگ کا نشانہ بن گئی
بالی ووڈ کے سینئر اداکار دھرمیندر کی موت کی جھوٹی... https://jang.com.pk/assets/front/images/jang-icons/16x16.png
رسومات میں ان کی اہلیہ اداکارہ ہیما مالنی اور بیٹی ایشو دیول سمیت بھارتی فلم انڈسٹری کے کئی بڑے نام شریک تھے جس میں امتابھ بچن، جیا بچن، ابھیشک بچن، عامر خان اور دیگر افراد بھی شامل تھے۔
معروف فلم ساز کرن جوہر نے بھی انسٹاگرام پر دھرمیندر کی موت کی تصدیق کی اور انہیں خراج عقیدت پیش کرتے ہوئے کہا کہ مین اسٹریم سنیما کے ہیرو میگا اسٹار کا دور ختم ہوا۔
Pages:
[1]