راولپنڈی پولیس نے لڑکی پر تشدد اور بال کاٹنے کا مقدمہ درج کرلیا
https://jang.com.pk/assets/uploads/updates/2025-11-25/1531694_2633248_lrk_updates.jpgفائل فوٹو
راولپنڈی میں بیوٹی سیلون پر کام کرنے والی لڑکی پر تشدد اور بال کاٹنے کا واقعہ پیش آنے کے بعد پولیس نے متاثرہ لڑکی کے بیان پر مقدمہ درج کرلیا۔
پولیس کے مطابق مقدمے میں نظار عرف ارمان خان، محمد انیس عرف درانی، جلیل عرف مٹھو، جبار خان اور نامعلوم شامل ہیں۔
مقدمہ کے متن میں بتایا گیا ہے کہ بال کاٹنے کا واقعہ کرسچن کالونی ڈھوک کھبہ راولپنڈی میں پیش آیا۔ https://jang.com.pk/assets/uploads/updates/2025-11-24/1531500_114549_updates.jpg
بیوٹی سیلون میں لڑکی پر تشدد اور بال کاٹنے کے واقعے میں پیشرفت
اسلام آباد کے علاقے لوئی بھیر کے بیوٹی سیلون پر کام کرنے والی لڑکی پر تشدد اور بال کاٹنے کے واقعے میں پیشرفت سامنے آئی ہے۔ https://jang.com.pk/assets/front/images/jang-icons/16x16.png
مقدمہ کے مطابق ملزمان نے متاثرہ لڑکی کے بال کاٹنے کی ویڈیو سوشل میڈیا پر وائرل کردی۔ پولیس نے مقدمے کے اندراج کے بعد تین ملزمان کو گرفتار کرلیا۔
دوسری جانب تھانہ لوہی بھیر پولیس نے گرفتار ملزمان راولپنڈی پولیس کے حوالے کردیے ہیں۔
اسلام آباد پولیس کا کہنا ہے کہ متاثرہ لڑکی کے بیان کے مطابق واقعہ راولپنڈی کی حدود کا ہے، ویڈیو منظر عام پر آنے کے بعد ملزمان کو گرفتار کیا گیا تھا۔
Pages:
[1]