جکارتہ 42 ملین آبادی کے ساتھ دنیا کا سب سے بڑا شہر بن گیا
https://jang.com.pk/assets/uploads/updates/2025-11-25/1531737_8742996_12_updates.jpgفائل فوٹواقوامِ متحدہ کی تازہ رپورٹ کے مطابق انڈونیشیا کا شہر جکارتہ دنیا کا سب سے زیادہ آبادی والا شہر بن گیا، جس کی آبادی تقریباً 4 کروڑ 20 لاکھ تک پہنچ گئی ہے۔
یہ اعزاز کئی دہائیوں تک گریٹر ٹوکیو ایریا کے پاس تھا، مگر اب ٹوکیو آبادی کے لحاظ سے تیسرے نمبر پر چلا گیا ہے، جبکہ بنگلا دیش کا شہر ڈھاکہ دوسرے نمبر پر ہے۔
رپورٹ کے مطابق دنیا تیزی سے اربنائزیشن کی طرف بڑھ رہی ہے اور اس وقت عالمی آبادی （8.2 ارب） کا 45 فیصد حصہ شہروں میں رہتا ہے، 2050 تک آبادی میں ہونے والا دو تہائی اضافہ صرف شہروں میں متوقع ہے۔ https://jang.com.pk/assets/uploads/updates/2025-11-18/1529515_110923_updates.jpg
دنیا کے 11 خوبصورت ترین ممالک کی نئی فہرست جاری
یہ فہرست اُن سیاحوں کی آراء پر مبنی ہے جو خود ان ممالک کا سفر کر چکے ہیں https://jang.com.pk/assets/front/images/jang-icons/16x16.png
انڈونیشیا کی کل آبادی 28 کروڑ 60 لاکھ ہے، جو دنیا میں چوتھے نمبر پر ہے، جکارتہ کی آبادی میں اضافہ زیادہ تر ہجرت کے باعث ہوا ہے، اس تیزی سے بڑھتی آبادی نے شہر کو سنگین ماحولیاتی بحرانوں سے دوچار کر دیا ہے۔
ان حالات کو دیکھتے ہوئے انڈونیشیا نے منصوبہ بنایا ہے کہ دارالحکومت جکارتہ سے بورنیو جزیرے میں منتقل کر کے ایک نیا شہر نوسانتارا تعمیر کیا جائے۔
یہ شہر ایک اسمارٹ فاریسٹ سٹی کے طور پر بنایا جا رہا ہے، جہاں جدید انفراسٹرکچر، توانائی اور وسیع سبز مقامات شامل ہوں گے۔
Pages:
[1]