کپل شرما نے کینیڈا میں اپنے کیفے پر فائرنگ کے واقعات پر خاموشی توڑ دی
https://jang.com.pk/assets/uploads/updates/2025-11-26/1532079_2016494_kapil_updates.jpgکپل شرما: فوٹو بھارتی میڈیابھارت کے معروف اداکار و کامیڈین کپل شرما نے کینیڈا میں اپنے کیفے پر ہونے والے فائرنگ کے واقعات پر ردعمل دے دیا۔
اپنی آنیوالی فلم ’کس کس کو پیار کروں 2 ‘ کے ٹریلر کی تعارفی تقریب میں میڈیا سے گفتگو کرتے ہوئے کپل شرما نے کہا کہ میرے کیفے پر تین بار فائرنگ کی گئی اور یہ معاملہ کینیڈا کی پارلیمنٹ تک پہنچ گیا۔
انہوں نے کہا کہ یہ واقعہ وینکوور میں ہوا۔ وہاں پولیس کے پاس ایسی صورتحال پر قابو پانے کے لیے مناسب اختیارات نہیں ہیں۔ جیسے ہمارے پاس مرکزی حکومت ہے۔ https://jang.com.pk/assets/uploads/updates/2025-07-10/1489284_064655_updates.jpg
بھارتی کامیڈین کپل شرما کے کیفے پر فائرنگ، ویڈیو وائرل
پولیس کی جانب سے واقعے کی تحقیقات شروع کردی گئی ہے، اور عمارت کے اطراف کی سی سی ٹی وی فوٹیج بھی حاصل کی جارہی ہیں https://jang.com.pk/assets/front/images/jang-icons/16x16.png
بھارتی اداکار نے مزید کہا کہ اس واقعے کے بعد کینیڈا کی حکومت نے شہریوں کی حفاظت کے لیے اقدامات کیے ہیں، میرا ماننا ہے کہ جو کچھ بھی خدا کرتا ہے، ہم اکثر اس کی کہانی نہیں سمجھتے، لیکن اس واقعے کے بعد پولیس اور قانون نافذ کرنے والے حکام نے بہتری کے اقدامات شروع کیے ہیں۔
کپل شرما نے ممبئی میں اپنی حفاظت کے بارے میں بات کرتے ہوئے کہا کہ میں نے کبھی خود کو ممبئی یا اپنے ملک میں غیر محفوظ محسوس نہیں کیا، ممبئی پولیس جیسی کوئی نہیں۔ https://jang.com.pk/assets/uploads/updates/2025-11-24/1531458_054412_updates.jpg
ایسا لگ رہا ہے دوسری بار اپنے والد کو کھو دیا، کپل شرما
کپل شرما نے دھرمیندر سے متعلق لکھا کہ جو محبت اور دعائیں آپ نے مجھے دیں، وہ ہمیشہ میرے دل اور یادوں میں زندہ رہیں گی۔ https://jang.com.pk/assets/front/images/jang-icons/16x16.png
اپنے مخصوص مزاحیہ انداز میں کپل شرما نے اختتام پر کہا کہ ہر فائرنگ کے بعد ہمارے کیفے میں گاہک بڑھ گئے۔ اگر خدا آپ کے ساتھ ہے، تو سب ٹھیک ہے۔
خیال رہے کہ کپل شرما کے کینیڈا میں کیفے کھولنے کے چند دنوں بعد جولائی میں فائرنگ کا پہلا واقعہ پیش آیا تھا، جس کے بعد 7 اگست اور 16 اکتوبر کو دو مزید حملے ہوئے تھے، تاہم ان واقعات میں کوئی زخمی نہیں ہوا۔
Pages:
[1]