بھارتی فاسٹ بولر محمد سراج کا ایئر انڈیا میں سفر نہ کرنے کا مشورہ
https://jang.com.pk/assets/uploads/updates/2025-11-26/1532109_3666110_srj_updates.jpgبھارتی کرکٹ ٹیم کے فاسٹ بولر محمد سراج نے لوگوں کو ایئر انڈیا میں سفر نہ کرنے کا مشورہ دے دیا۔
سماجی رابطے کی ویب سائٹ ایکس پر جاری اپنے بیان میں محمد سراج نے کہا کہایئر انڈیا کی پرواز IX 2884 جسے گواہاٹی سے حیدرآباد کے لیے صبح 7:25 بجے روانہ ہونا تھی، بغیر کسی پیشگی اطلاع کے مسلسل تاخیر کا شکار رہی۔https://jang.com.pk/assets/uploads/updates/2025-11-26/1532109_5677417_siraj_updates.jpg
محمد سراج نے کہا کہ بار بار پوچھنے کے باوجود ایئر لائن کی جانب سے کوئی واضح وجہ نہیں بتائی گئی، چار گھنٹے گزر جانے کے بعد بھی نہ کوئی اپ ڈیٹ دی گئی اور نہ ہی متبادل انتظام کیا گیا، جس کے باعث درجنوں مسافر ایئرپورٹ پر شدید مشکلات سے دوچار ہیں۔
بھارتی فاسٹ بولر نے کہا کہ ایئر انڈیا میں سفر کرنا میرا انتہائی مایوس کن تجربہ ہے اور میں کسی کو بھی یہ پرواز لینے کا مشورہ نہیں دوں گا۔
محمد سراج کے پوسٹ کرنے کے بعد سوشل میڈیا صارفین بھی بھارتی ایئر لائن ایئر انڈیا کو تنقید کا نشانہ بنارہے ہیں۔
Pages:
[1]