ہیما مالنی کا دھرمیندر کی موت کے بعد پہلا جذباتی پیغام
https://jang.com.pk/assets/uploads/updates/2025-11-27/1532297_4497835_6_updates.jpgفائل فوٹوبھارتی فلم انڈسٹری کے لیجنڈری اداکار دھرمیندر کی موت کے تین روز بعد ان کی اہلیہ اور معروف اداکارہ ہیما مالنی نے سوشل میڈیا پر اپنا پہلا جذباتی پیغام شیئر کردیا۔
بالی ووڈ کی ڈریم گرل ہیما مالنی نے اپنی انسٹا گرام پوسٹ میں لکھا کہ دھرم جی میرے لیے بہت کچھ تھے، محبت کرنے والے شوہر، ہماری دونوں بیٹیوں ایشا اور اہانا کے شفیق والد، دوست، فلسفی، رہنما، شاعر اور مشکل وقت میں میرا سہارا، وہ میرے لیے سب کچھ تھے اور اچھے اور برے ہر دور میں میرے ساتھ رہے۔
انہوں نے بتایا کہ دھرمیندر نے اپنے خوش اخلاق اور دوستانہ رویے سے میرے تمام خاندان والوں کے ساتھ گہرا تعلق قائم کیا، وہ میرے گھر والوں سے بہت جلد مانوس ہو جاتے تھے، محبت اور دلچسپی کے ساتھ سب کے قریب آ جاتے تھے۔ https://jang.com.pk/assets/uploads/updates/2025-11-24/1531393_013907_updates.jpg
بالی ووڈ کے لیجنڈری اداکار دھرمیندر چل بسے
وہ گزشتہ کچھ عرصے سے علیل تھے، اُن کی عمر 89 سال تھی۔ https://jang.com.pk/assets/front/images/jang-icons/16x16.png
ہیما مالنی نے دھرمیندر کی مقبولیت اور ان کی سادگی کا ذکر کرتے ہوئے کہا کہ وہ ایک ایسے فنکار تھے کہ ان جیسا کوئی نہیں، ان کی عاجزی، مقبولیت اور سب کے دلوں میں جگہ بنانے کی صلاحیت نے انہیں ایک منفرد اور بے مثال لیجنڈ بنا دیا تھا، ان کی شہرت اور کارنامے ہمیشہ زندہ رہیں گے۔
شدید صدمے کا اظہار کرتے ہوئے انہوں نے لکھا کہ میرا ذاتی نقصان ناقابلِ بیان ہے، ہماری طویل رفاقت کے بعد ان کے جانے سے جو خلا پیدا ہوا ہے، وہ میری پوری زندگی ساتھ رہے گا، اب صرف یادیں رہ گئی ہیں جنہیں میں بار بار جیوں گی۔
Pages:
[1]