بابر اعظم نے ٹی 20 میں عمر اکمل اور صائم ایوب کا ناپسندیدہ ریکارڈ برابر کر دیا
https://jang.com.pk/assets/uploads/updates/2025-11-28/1532579_74885_1_updates.jpgفائل فوٹوپاکستان کرکٹ ٹیم کے اسٹار بیٹر بابر اعظم نے ٹی ٹوئنٹی انٹرنیشنلز میں سب سے زیادہ مرتبہ صفر پر آؤٹ ہونے والے پاکستانی کھلاڑیوں کی فہرست میں عمر اکمل اور صائم ایوب کا ریکارڈ برابر کر لیا۔
اتوار کو زمبابوے کے خلاف میچ میں نصف سنچری بنا کر پاکستان کی 69 رنز سے جیت میں اہم کردار ادا کرنے والے بابر اعظم سری لنکا کے خلاف ہوم ٹی ٹوئنٹی ٹرائی سیریز کے آخری لیگ میچ میں اپنی کارکردگی دہرانے میں ناکام رہے اور صرف دو گیندوں پر بغیر کوئی رن بنائے آؤٹ ہوگئے۔ https://jang.com.pk/assets/uploads/updates/2025-11-24/1531351_092220_updates.jpg
بابر اعظم نے ویرات کوہلی کا ٹی 20 انٹرنیشنلز کا ایک اور ریکارڈ برابر کردیا
بابر اعظم نے اپنی شاندار اننگز میں 7 چوکے اور 2 چھکے لگائے اور 52 گیندوں پر 74 رنز بنائے https://jang.com.pk/assets/front/images/jang-icons/16x16.png
دشمنتھا چمیرا کی لینتھ بال نے بابر اعظم کو ایل بی ڈبلیو آؤٹ کردیا، یہ بابر اعظم کے ٹی ٹوئنٹی کیریئر کا 10واں صفر تھا، جس کے ساتھ وہ صائم ایوب اور عمر اکمل کے برابر آگئے، جن کے کھاتے میں بھی 10، 10 بار صفر پر آؤٹ ہونا شامل ہے۔
پاکستان کے سابق کپتان اور لیجنڈ آل راؤنڈر شاہد آفریدی اس فہرست میں چوتھے نمبر پر ہیں، جو اپنے 98 ٹی ٹوئنٹی میچز میں 8 بار صفر پر آؤٹ ہوئے، کامران اکمل اور محمد حفیظ 7، 7 صفر کے ساتھ ان کے بعد موجود ہیں۔
Pages:
[1]