مسابقتی کمیشن نے شوگر ملز کا کارٹل پکڑ لیا
https://jang.com.pk/assets/uploads/updates/2025-11-28/1532614_3979205_News11_updates.jpg---فائل فوٹو
مسابقتی کمیشن کی جانب سے پنجاب کی 10 شوگر ملز کو کارٹل بنانے پر شوکاز جاری کیا گیا ہے۔
مسابقتی کمیشن کے اعلامیے کے مطابق شوگر ملز نے گنے کی کرشنگ میں تاخیر کا فیصلہ گٹھ جوڑ بناکر کیا، شوگر ملوں نے کارٹل بنا کر گنے کی قیمت 400 روپے فی من فکس کی، گنے کی قیمت مقرر کرنے میں کسانوں کو نظر انداز کیا گیا۔
مسابقتی کمیشن کے اعلامیے میں کہا گیا ہے کہ شوگر ملز نے 10 نومبر کو ایک مل میں خفیہ میٹنگ کی، جس شوگر مل میں خفیہ میٹنگ ہوئی اسے شوکاز نوٹس جاری کیا گیا ہے۔ https://jang.com.pk/assets/uploads/akhbar/2025-11-28/1532451_032435_updates.jpg
ہائیکورٹ، سبسڈی کی عدم فراہمی کے خلاف 16 شوگر ملز کی درخواستیں خارج
کراچی سندھ ہائیکورٹ نے شوگر ملز کی ان لینڈ فریٹ... https://jang.com.pk/assets/front/images/jang-icons/16x16.png
اعلامیے کے مطابق شوگر ملز نے مشترکہ فیصلہ کیا کہ کرشنگ 28 نومبر سے شروع کی جائے گی، میٹنگ میں کئی شوگر ملز کے نمائندے ان لائن بھی شامل ہوئے، کارٹل بنا کر قیمتیں فکس کرنا مسابقتی ایکٹ کی خلاف ورزی ہے۔
اعلامیے کے مطابق کمیشن نے شوگر ملز سے 14 دن میں تحریری جواب طلب کیا ہے، کرشنگ میں تاخیر سے چینی کی مصنوعی قلت اور قیمتوں میں اضافے کا خدشہ ہے۔
Pages:
[1]