روسی شہری ہر سال اپنا نام کیوں تبدیل کرتا رہا؟
https://jang.com.pk/assets/uploads/updates/2025-11-28/1532610_873799_4_updates.jpg— فائل فوٹو
یہ بات سن کر محض مذاق لگے گی کہ اس دنیا میں ایک ایسا شخص بھی موجود ہے جو ہر سال اپنا نام تبدیل کر لیتا ہے کیونکہ نام تبدیل کرنا کوئی آسان کام نہیں ہے۔
ہر سال نام تبدیل کرنا مذاق نہیں بلکہ حقیقت ہے، روس کے شہر تیومین میں ایک ایسا شہری موجود ہے جو ہر سال اپنا نام تبدیل کر لیتا ہے۔
اب سب کے ذہن میں یہ سوالات ضرور آئیں گے کہ وہ ایسا کیوں کرتا ہے؟ اور کیسے کر لیتا ہے؟
بین الاقوامی میڈیا کی رپورٹ کے مطابق یہ روسی شہری اپنے بچوں کی کفالت کے لیے رقم کی ادائیگی سے بچنے کے لیے ہر سال اپنا نام تبدیل کرتا ہے۔ https://jang.com.pk/assets/uploads/updates/2025-11-26/1532070_062516_updates.jpg
اطالوی شہری نے پنشن کیلئے مردہ ماں کا روپ دھار لیا
کارڈ کی میعاد ختم ہوئی تو بیٹے نے میک اپ، وِگ اور اپنی ماں کے کپڑے پہن کر اس کا روپ اختیار کیا اور دفتر پہنچ گیا، https://jang.com.pk/assets/front/images/jang-icons/16x16.png
رپورٹ میں مزید بتایا گیا کہ یہ کہانی اس لیے سامنے آگئی کیونکہ رجسٹری آفس عدالتی حکام کو ہر نام کی تبدیلی کے بارے میں مطلع کرتا ہے تاکہ شہریوں کو اپنی قانونی ذمہ داریوں سے فرار ہونے سے روکا جا سکے۔
واضح رہے کہ روس میں بچوں کی کفالت کے لیے رقم کی ادائیگی کرنے میں ناکامی کے نتیجے میں جرمانے ہو سکتے ہیں، ان میں جرمانوں میں ڈرائیونگ لائسنس کی معطلی اور غیر ملکی سفر پر پابندی بھی شامل ہے۔
ایسے افراد جو جان بوجھ کر بچوں کی کفالت کے لیے رقم ادا نہ کریں تو اُنہیں 3 ماہ سے ایک سال تک کی قید بامشقت کی سزا بھی ہو سکتی ہے۔
Pages:
[1]