آسٹریلوی بیٹر عثمان خواجہ کی مشکلات میں اضافہ ہو گیا
https://jang.com.pk/assets/uploads/updates/2025-11-29/1532917_517507_06_updates.jpgآسٹریلوی بیٹر عثمان خواجہ کی مشکلات میں اضافہ ہو گیا۔ عثمان خواجہ پرتھ ٹیسٹ سے قبل گولف کھیل کر کمر کی تکلیف کا شکار ہونے کے تنازع کے بعد ایک اور مشکل میں پڑ گئے۔
عثمان خواجہ کو اب پرتھ ٹیسٹ میچ کی پچ پر تبصرے نے مشکل میں ڈال دیا۔ عثمان خواجہ نے آئی سی سی کی جانب سے ویری گڈ قرار دی جانے والی پچ کے بارے نامناسب الفاظ استعمال کیے۔
آسٹریلوی میڈیا کے مطابق کرکٹ آسٹریلیا پرتھ ٹیسٹ کی پچ پر نامناسب تبصرے کی وضاحت طلب کرے گا، عثمان خواجہ نے اپنی فاؤنڈیشن کے ظہرانے کے موقع پر گفتگو میں نامناسب تبصرہ کیا۔
اس حوالے سے کرکٹ آسٹریلیا کا کہنا ہے کہ پبلک میں عثمان خواجہ ایسے تبصرے کا اختیار نہیں رکھتے۔ https://jang.com.pk/assets/uploads/updates/2025-08-28/1504941_112758_updates.jpg
کرکٹر عثمان خواجہ کا آسٹریلوی وزیرِاعظم سے اسرائیل پر پابندی لگانے کا مطالبہ
آسٹریلوی کرکٹر عثمان خواجہ غزہ میں اسرائیلی مظالم رُکوانے کے لیے سرگرم ہیں انہوں نے اس سلسلے میں آسٹریلیا کے وزیرِاعظم انتھونی البانیز سے ملاقات کی ہے۔ https://jang.com.pk/assets/front/images/jang-icons/16x16.png
آسٹریلوی میڈیا نے کہا کہ کرکٹ آسٹریلیا برسبین ٹیسٹ سے قبل عثمان خواجہ سے باضابطہ وضاحت طلب کر سکتا ہے۔ ضروری سمجھا گیا تو عثمان خواجہ کے خلاف کوڈ آف کنڈکٹ کے تحت کارروائی ہو گی۔
عثمان خواجہ کو ایشیز سیریز کے برسبین ٹیسٹ سے قبل فٹنس ٹیسٹ پاس کرنا ہے۔ پرتھ ٹیسٹ سے قبل گولف کھیل کر کمر کی تکلیف کا شکار ہونے پر عثمان خواجہ کو سخت تنقید کا سامنا کرنا پڑا ہے۔
عثمان خواجہ پرتھ ٹیسٹ میں اوپننگ کے لیے نہیں آ سکے تھے۔ سابق کرکٹرز اور ماہرین نے عثمان خواجہ کو ڈراپ کرنے کا مطالبہ کیا تھا۔
چار دسمبر سے شروع ہونے والے ایشیز سیریز کے ڈے اینڈ نائٹ برسبین ٹیسٹ کے اسکواڈ میں عثمان خواجہ کو برقرار رکھا گیا ہے۔
Pages:
[1]