اسرائیلی فوج نے شامی مزاحمت کار کو اس کی شادی کے دن شہید کردیا
https://jang.com.pk/assets/uploads/updates/2025-11-29/1532997_7069879_saadi_updates.jpgفوٹو: القدس نیوز نیٹ ورکاسرائیلی فوج نے بیت جن میں شامی مزاحمت کار حسن محمد عبدالرزاق السعدی کو فائرنگ کرکے شہید کردیا، السعدی دولہا بننے سے قبل ہی جام شہادت نوش کرگئے۔
القدس نیوز نیٹ ورک کے مطابق حسن محمد عبدالرزاق السعدی فجر کے وقت شامی قصبے بیت جن میں اسرائیلی فورسز کی دراندازی کا مقابلہ کرتے ہوئے شہید ہوگئے۔ https://jang.com.pk/assets/uploads/updates/2025-11-28/1532702_110116_updates.jpg
اسرائیلی فوج کی فائرنگ، ایک بچہ معذور، دوسرے کی بینائی متاثر
مقامی میڈیا کے مطابق غزہ کا 15 سالہ مصطفیٰ ابو طالب اسرائیلی فائرنگ کے نتیجے میں شدید معذوری کا شکار ہو گیا ہے۔ https://jang.com.pk/assets/front/images/jang-icons/16x16.png
مقامی ذرائع کے مطابق، السعدی اپنی زمین اور بستی کے دفاع کے لیے مزاحمت کر رہے تھے جب اسرائیلی فوج کی کارروائی کے دوران گولیوں کا نشانہ بنے۔
اہلِ علاقہ کا کہنا ہے کہ حملہ اچانک اور شدید تھا، جس کے باعث گاؤں میں خوف و ہراس پھیل گیا۔
السعدی کے خاندان نے بتایا کہ جس دن ان کی شادی کی تقریبات ہونا تھیں، وہی دن اب سوگ میں بدل گیا۔ اسرائیلی فورسز کی کارروائیاں بارہا خوشیوں کو غم میں تبدیل کر دیتی ہیں، اور یہ واقعہ اس کا تازہ ترین ثبوت ہے۔
خیال رہے کہ گزشتہ روز شام کے دارالحکومت دمشق کے نواح میں اسرائیل کی تازہ کارروائی میں کم از کم 12 افراد شہید ہوئے، جس میں بچے بھی شامل ہیں۔
بیت جن میں اسرائیلی توپ خانے اور میزائل حملوں کے نتیجے میں متعدد شہری جاں بحق اور زخمی ہوئے، جبکہ مقامی افراد اور اسرائیلی فوج کے درمیان جھڑپیں بھی ہوئیں۔ https://jang.com.pk/assets/uploads/updates/2025-11-28/1532705_113204_updates.jpg
مغربی کنارے میں اسرائیلی فوج نے گھر پر چھاپہ مار کر 2 بچوں کو اغوا کرلیا
مقامی رہائشیوں نے اس اقدام کو اسرائیلی فورسز کی جانب سے جاری بچوں کی گرفتاریوں اور اجتماعی سزا کی پالیسی کا تسلسل قرار دیا ہے۔ https://jang.com.pk/assets/front/images/jang-icons/16x16.png
شام کی سرکاری خبر رساں ایجنسی کے مطابق متعدد اسرائیلی فوجی بھی جھڑپوں میں زخمی ہوئے، اس حملے کے بعد بیت جن کے کئی خاندانوں کو محفوظ علاقوں میں منتقل ہونا پڑا۔
سرکاری میڈیا کے مطابق اسرائیلی ڈرونز اب بھی علاقے پر پرواز کر رہے ہیں اور اسرائیلی فوج کے متحرک ہونے کے باعث شام کی سول ڈیفنس ٹیمیں زخمیوں کو بچانے کے لیے بیت جن میں داخل نہیں ہوسکیں۔
اسرائیلی فوج نے ایکس پر جاری کردہ بیان میں بتایا کہ جھڑپ کے دوران 6 فوجی زخمی ہوئے، جس میں سے 3 کی حالت نازک ہے۔
Pages:
[1]