سکندر رضا پاکستان کے دورے سے خوش، بہت جلد واپس آنے کی خواہش
https://jang.com.pk/assets/uploads/updates/2025-11-30/1533185_3608748_sikanar_updates.jpgفائل فوٹو
زمبابوے کرکٹ ٹیم کے کپتان سکندر رضا نے پاکستان کے دورے پر خوشی کا اظہار کیا ہے۔
سماجی رابطے کی ویب سائٹ ایکس پر اپنے بیان میں سکندر رضا نے کہا کہ ہماری میزبانی کرنے پر پاکستان اور پاکستان کرکٹ بورڈ کا شکریہ ادا کرتے ہیں۔
انہوں نے کہا کہ ہمارے ساتھ جس طرح محبت کا اظہار کیا گیا اس پر ہم سب شکر گزار ہیں، ہم بہت جلد واپس آئیں گے۔
واضح رہے کہ زمبابوے کرکٹ ٹیم نے پاکستان اور سری لنکا کے ساتھ ٹرائی نیشن ٹی ٹوئنٹی سیریز میں حصہ لیا تھا۔
ٹرائی نیشن سیریز میں زمبابوے کی ٹیم سری لنکا کے خلاف صرف ایک میچ میں کامیابی حاصل کرسکی تھی اور انہیں 3 میچز میں پاکستان اور سری لنکا کے ہاتھوں شکست کا سامنا کرنا پڑا تھا۔
Pages:
[1]