بشریٰ انصاری کا بدلا انداز صارفین کو ایک آنکھ نہ بھایا
https://jang.com.pk/assets/uploads/updates/2025-11-30/1533209_9229527_%D8%A8%D9%86%D9%86-%D9%86_updates.jpg— اسکرین گریب
زندہ دل پاکستانی سینئر اداکارہ بشریٰ انصاری نے ماڈرن ڈریس میں نئی ویڈیو شیئر کر دی، مگر اداکارہ کا نیا لُک صارفین کو ایک آنکھ نہ بھایا۔
سوشل میڈیا پر متحرک رہنے والی اداکارہ نے فوٹوز اینڈ ویڈیوز شیئرنگ پلیٹ فارم انسٹاگرام پر اپنے نئے انداز میں ویڈیو شیئر کی ہے۔
انسٹا پوسٹ میں شیئر کی گئی ویڈیو میں سینئر اداکارہ نے پیلی شرٹ اور سفید کیپری زیب تن کر کے اپنے لاؤنج میں چہل قدمی کر رہی ہیں۔
ویڈیو کے بیک گراؤنڈ میں مشہور بھارتی گانا ’آتی کیا کھنڈالہ‘ چل رہا ہے جبکہ انہوں نے اپنی ویڈیو پوسٹ کے کیپشن میں لکھا ہے کہ کیا میں بولوں؟
تاہم سینئر اداکارہ کا مغربی لباس میں ماڈرن لُک صارفین و مداحوں کو ایک آنکھ نہ بھایا۔ ان کی ویڈیو کے کمنٹس میں تبصرہ کرتے ہوئے صارفین کی جانب سے اداکارہ کو تنقید کا نشانہ بنایا گیا اور کہا گیا کہ عمر کے اس حصے میں اس طرح کے لباس زیب نہیں دیتے۔
Pages:
[1]