جب تک ناانصافی اور غربت موجود ہے، جدوجہد جاری رہے گی: بلاول بھٹو
https://jang.com.pk/assets/uploads/updates/2025-11-30/1533213_1956468_%D8%A8%D9%84%D8%A7%D9%84_updates.jpgفائل فوٹو
چیئرمین پاکستان پیپلز پارٹی بلاول بھٹو زرداری نے کہا ہے کہ یوم تاسیس جمہوریت اور سماجی انصاف کی جدوجہد سے جنم لینے والی عوامی تحریک کا جشن ہے۔
پیپلز پارٹی کے 58ویں یوم تاسیس پر اپنے پیغام میں بلاول بھٹو نے کہا کہ پیپلز پارٹی ہمیشہ مظلوموں کے حقوق کی ڈھال بنی رہی ہے۔ پیپلز پارٹی غریبوں، محروم طبقات، کسانوں، مزدوروں، خواتین اور اقلیتوں کی آواز بنتی رہے گی۔
انہوں نے کہا کہ قائد عوام سے شہید بینظر بھٹو تک پیپلز پارٹی نے تاریخی جدوجہد اور بے مثال قربانیاں دی ہیں۔ https://jang.com.pk/assets/uploads/updates/2025-11-30/1533211_125309_updates.jpg
پیپلز پارٹی کا یومِ تاسیس، رہنماؤں کا بانی چیئرمین اور شہید محترمہ کو خراج عقیدت
صدر آصف زرداری نے کہا کہ پارٹی نے ہمیشہ جمہوری نظام کو مستحکم کرنے، اتحاد کو فروغ دینے اور سیاسی عمل کو درست راستے پر رکھنے کے لیے کام کیا۔ https://jang.com.pk/assets/front/images/jang-icons/16x16.png
چیئرمین پیپلز پارٹی کا کہنا تھا کہ قائد عوام نے عوام کو بااختیار بنانے کے لیے آواز بلند کی اور شہید بی بی نے جمہوریت کے لیے بے مثال جدوجہد کی۔
ان کا کہنا تھا کہ صدر آصف زرداری کی قیادت میں پاکستان نے بے مثال کامیابیوں کا دور دیکھا، صدر آصف زرداری کی زیر قیادت آئین کی بحالی اور تاریخی 18ویں ترمیم منظور ہوئی۔
بلاول بھٹو زرداری نے کہا کہ ہمارے نظریے کی بنیاد عوام کی خدمت ہے، جب تک عدم مساوات، ناانصافی اور غربت موجود ہے، پیپلز پارٹی کی جدوجہد جاری رہے گی۔
چیئرمین پیپلز پارٹی نے کہا کہ پارٹی کے رہنماؤں اور جیالوں کو سلام پیش کرتا ہوں جن کی ثابت قدمی اور جذبے نے جمہوریت کے پرچم کو ہمیشہ سربلند رکھا۔
انہوں نے کہا کہ آج یومِ تاسیس پر اپنے شہیدوں کے مشن کو جاری رکھنے کا عہد کرتا ہوں، عہد کرتا ہوں ہم ایک ایسا پاکستان بنائیں گے جہاں ہر شہری کو یکساں حقوق اور برابر کے مواقع میسر ہوں۔
Pages:
[1]