’میرا دل یہ پکارے آجا‘ کی ٹک ٹاکر کا بالی ووڈ کی پیشکش ٹھکرانے کا انکشاف
https://jang.com.pk/assets/uploads/updates/2025-11-30/1533217_2621593_%D9%86%D9%86%D8%A8%D8%B4_updates.jpg— فائل فوٹو
سہنرے دور کے گیت ’میرا دل یہ پکارے آجا‘ پر رقص سے شہرت حاصل کرنے والی پاکستانی سوشل میڈیا سینسیشن عائشہ اظہر نے بالی ووڈ سے گانوں پر رقص کی پیشکش کا انکشاف کیا ہے۔
حال ہی میں ٹک ٹاکر نے نجی ٹی وی چینل کے پروگرام میں بطور مہمان شرکت کی جہاں انہوں نے مختلف امور پر دل کھول کر بات چیت کی۔
انہوں نے ایک سوال کا جواب دیتے ہوئے بتایا کہ انہیں پڑھائی کا شوق نہیں میٹرک بھی بمشکل تیسری باری میں پاس کیا۔ تاہم اب پڑھائی سے کچھ عرصے کے لیے وقفہ لے کر آج کل ٹک ٹاک پر لائیو کرتی ہوں جبکہ مستقبل میں ماڈلنگ کا بھی ارادہ ہے۔
دوران انٹرویو انہوں نے بتایا کہ جب 2022 میں پہلی بار میری ویڈیو وائرل ہوئی، جس میں میں اپنی قریبی دوست کی شادی پر ’میرا دل یہ پکارے آجا‘ پر رقص کر رہی تھی اس وقت بالی ووڈ سے کئی لوگوں نے مجھ سے رجوع کیا۔ https://jang.com.pk/assets/uploads/updates/2025-11-21/1530450_124946_updates.jpg
’میرا دل یہ پکارے آجا‘ کی ٹک ٹاکر کا میٹرک میں 3 بار فیل ہونے کا انکشاف
’میرا دل یہ پکارے آجا‘ پر رقص سے شہرت حاصل کرنے والی پاکستانی سوشل میڈیا سینسیشن عائشہ اظہر حالیہ حیرت انگیز انکشاف کے سبب اب پھر خبروں کی زینت بن گئی ہیں۔ https://jang.com.pk/assets/front/images/jang-icons/16x16.png
ٹک ٹاکر نے بتایا کہ میری ویڈیو وائرل ہوئی تو چند بالی ووڈ اداکاروں نے خود مجھ سے بات کی اور بہت سے لوگوں نے مجھے بھارت آکر ویڈیو گانے میں کام کرنے کا کہا لیکن میں نے انکار کردیا۔
انہوں نے مزید بتایا کہ یہاں کے لوگوں نے مجھے بھارت میں کام کرنے کے حوالے سے خبردار کیا اور کہا کہ اگر میں وہاں گئی تو پاکستان میں مجھے کام نہیں ملے گا۔ اس وقت مجھے ڈر تھا، میں سمجھتی تھی کہ میں بھارت میں پھنس جاؤں گی۔ مجھے اُس وقت بھارت کی انڈسٹری کے بارے میں زیادہ علم نہیں تھا۔
عائشہ اظہر نے یہ بھی کہا کہ بھارت میں اُس وقت صرف چند پاکستانیوں نے کام کیا تھا اور میں بھارت اور پاکستان کے تعلقات سے واقف نہیں تھی، حالانکہ میرے والد نے میری حمایت کی اور کہا کہ وہ میرے ساتھ چلنے کے لیے تیار ہیں لیکن میں نے تمام پیشکش مسترد کر دیں۔
Pages:
[1]