ساحر علی بگّا کی نئی میوزک ویڈیو ’مستانی‘ میں صائمہ نور جلوہ گر، مداح خوشی سے نہال
https://jang.com.pk/assets/uploads/updates/2025-11-30/1533220_958219_3_updates.jpgفوٹو — یو ٹیوب
پاکستانی میوزک انڈسٹری کے مشہور گلوکار ساحر علی بگا نے اپنا نیا گانا ’مستانی‘ ریلیز کر دیا، میوزک ویڈیو میں پاکستانی فلم انڈسٹری کی مقبول اداکارہ صائمہ نور بھی جلوہ گر ہوئی ہیں۔
ساحر علی بگا کے اس گانے نے ریلیز ہوتے ہی سوشل میڈیا پر دھول مچا دی ہے، مداحوں کی جانب سے اس گانے کو بہت پسند کیا جا رہا ہے۔
اس میوزک ویڈیو میں صائمہ نور کا مرکزی کردار دیکھ کر اُن کے چاہنے والوں کی خوشی دیدنی ہے۔
اس گانے کو ساحر علی بگا اور افشاں فواد کی آواز میں ریکارڈ کیا گیا ہے، دونوں گلوکاروں کی دلوں کو چھو لینے والی آواز نے گانے کو چار چاند لگا دیے۔
ساحر علی بگّا نے گانے کے حوالے سے گفتگو کرتے ہوئے کہا کہ اس گانے کو ریکارڈ کرنا میرے لیے ایک شاندار تجربہ رہا۔ صائمہ نور کی موجودگی نے اس ویڈیو کو ایک خوبصورت اور لازوال تاثر دیا ہے۔
اُنہوں نے مزید کہا کہ افشاں فواد کی آواز نے اس گانے کو ایک جذباتی رنگ دیا ہے۔
Pages:
[1]